الصمت حكمه والحكي مــصدر إفلاس
عــذراً لــقـلوبكـم
[poem=font="Simplified Arabic,5,skyblue,bold,italic" bkcolor="black" bkimage="" border="solid,4,skyblue" type=2 line=1 align=center use=sp num="0,black"]
قالوا علامك صـامت وقلت ياناس= كثر الكلام يقل لاجله مقامي
الصمت حكمه والحكي مــصدر إفلاس= ولقيت في صـمـتي يزيد احترامي
الصمت له معنى وله ذوق وإحســـاس= مركب نجاتك في بحـور الظلامي
ترى الرجل صوره من الـراس للساس= ثم يتبين جوهــره بالكلامي
إما نطق في كلمة ترفــع الرأس= تضفي على شكله جــديـد الاسامي
وإلاّ يعوّد معدنه مـــعــدن انحاس=يرميه سهمه بـعــد ماكان رامي
لا صار عندك من ثمـيـنات الألماس=خله بـصـدرك لين وقت التمامي
أخاف يطلعلك مـن الناس بلاس=وإلا سـفــيه ما يرد السلامي
الله خلق خلقه على عـدة أجناس=وكلن يسوقه مذهـبه للأمامي
والله خلق بالطير قمري وقرناس=ووقت الهدد ما ينغزي بالحـمـامي
لا جال في صدرك من الهم هوجاس=وعينك يحاربهـا لذيذ المنامي
ونفسك عليله والفكر صار محتاس=اترك طمان القـاع وارق السنامي
عليك بالعالي ليا هب نسـناس=يبري الجروح الخـافيه والعظامي
وخلك لربـعـك دايم الدوم نـبراس=وخص القريب وخص ولد العــمامي
خلك لهم في داجي الليل مقـباس=وللصاحب أصدق من حقوق الغمــامي
ربعك ذراك ليا لحق راســك البـاس=قدم لهم شربك ولو كنت ضـامي
وخلك لثوب الطيب والعز لبـاس=واترك دروبٍ تنتهي بالحرامي
وفعل الجميل وواجب الضيف نومـاس=ومن لا نفع بالضـيق نفعه عدامي
بيت الكريم أبوابه بدون حـرّاس=وبيت البخيل يـعـد مثل الهدامي
كلٍ بها الدنيا نصيبه بـمقياس=ياخذ نصيبه لوجــفـوه الأنامي[/poem]
$222
رد مع اقتباس
مواقع النشر (المفضلة)