ودك تنامين؟! نامي يابعد عينـــــــــــــي
ودك تنامين؟! نامي يابعد عينـــــــــــــي ***** باين عليك التعب من امس سهــرانه
من ليله البارحه .وانت تدارينــــــــــــي ***** شوفي المرايه اعيونك حيل تعبـــــانه
نامي لك شوي لو ساعه وخلينــــــــــي ***** يا بنت عمر السهر ما يغمض اجفانه
ولاني بطاير من ايدك..هذي ايدينـــــــي ***** مادام فكري معاك اختل ميــــــــــزانه
لو ترخي الشال لعيوني وتنخينـــــــــــي ***** اجيك فزعه اخو ذباح لإخــــــــــــوانه
صومي عن الناس سمي وافطري فيني ***** يفداك قلب تربى بطيب جــــــــــــــدانه
انا ظلالك مادام الله معافينــــــــــــــــــي ***** اللي عطاك الغلا المعبود سبحـــــانه
انا ادري انك نسفتيني..وتلفتينـــــــــــــي***** مهما خسرتي معايه دوم ربحـــــــانه
نامي وباكر بكيفك ..طلعي عينــــــــــــي ***** القلب شرعِِ لهمك مل بيبــــــــــــــانه
واذا غفيتي امانه حيل غطينــــــــــــــــي ***** برموشك اللي من الأشواق رويــانه
للشاعر:مساعد بن علي
ارجوا ان تحوز على رضاكم
__________________
رد مع اقتباس
المشاركة الأصلية كتبت بواسطة بنت ابوووها
مواقع النشر (المفضلة)