قصيده
اهداء لمنتدى الززين
[poem=font="Simplified Arabic,4,black,bold,normal" bkcolor="transparent" bkimage="backgrounds/1.gif" border="none,4,gray" type=0 line=0 align=center use=ex num="0,black"]
البارحة من غيبة الشمـس مهمـوم=مدري وش اللي جاب طاري غرامي
الليل كله .. مادخـل عينـي النـوم=الين بان النور .. عقـب الظلامـي
والمشكله .. ماهيب ليلـه ولايـوم=المشكله صارت .. سواة النظامـي
هاذي ثلاث سنين .. وعلومي علوم=يـروح ليلـي مايـروح اهتمامـي
اما سهـر والا كوابيـس وحلـوم=والله مدري فـي الحقيقـه علامـي
لانيب مطعون ِ ولانيـب مسمـوم=وكنـه يكسـر بالمحبـه عظامـي
اسري كما يسري مع الليل منجـوم=انحر سهيل ومشغل القلـب شامـي
وأورد افكاري على القاف وتصـوم=وفالصبح اصدر ماوردن الحيامـي
الين اخذت الشعر من بعـده سلـوم=وحلفـت لا اورد عليـه الظوامـي
سر ياقلم واكتب ترى الشعر مفهـوم=واذا قرت شعـري بتفهـم كلامـي
سجل لها .. قاف ِ من الشعر منظوم=وانت الحكم وانت الخصم والمحامي
وانت الوصل مابينـي وبينهـا دوم=وانت الجواد اللـي يتـل الخطامـي
قل مارقد .. يجلس مع الهم ويقـوم=الليل كلـه ... مايـذوق المنامـي
تسري عليه حلوم .. ويصبح هموم=وان فز من نومه سريـع المقامـي
واليا غفى طرف ِ من النوم محروم=يسرق من الغفوات مثـل الحرامـي
سر ياقلم باسم الغلا وانت محشـوم=لولا الحيـا والله .. لعـد الاسامـي
سر ياقلم وان حال من دونهـا قـوم=اقل حاجه بس .. وصـل سلامـي [/poem]
مواقع النشر (المفضلة)