اربع سنين
الاخوه الافاضل /اعضاء وضيوف منتدى الزين
السلام عليكم ورحمة الله وبركاته
يشرفني أن اقدم لكم اول مشاركه لي معكم في هذا المنتدى الرائع واتمنى ان تحوز على رضاكم. وهي عباره عن قصيده من كلماتي بعنوان اربع سنين
[poem=font="Simplified Arabic,6,black,normal,normal" bkcolor="transparent" bkimage="" border="groove,4,gray" type=2 line=0 align=center use=ex num="0,black"]
اربع سنين كنها ضرف ساعـه =مرت لياليها علي كنــــــها حلــــوم
ياحلوها ويازينه ياجماعــــه =لاحقد ولاغيره ولا احزان وهمــــــوم
ويا هنوف طوعتني طواعــه =وصارت هي الحاكم وانا صرت محكوم
حبيتها حب الغلا والقناعــــه =واخلصت في حبي ولانيب مليـــــــوم
قصدي شريف ولانويت القطاعه =وحافظ هواي بداخل الصدر مكــــتوم
ادرى هوانا عن خبيث الاشاعــه =والحب له شرع وله درب وسلـــــــــوم
واجب علي اني احفظ الوداعه =لو كان يلحقني مشاريه وعلــــــــوم
صابر على ضلم الزمن باستطاعه =لعيون سلطان الهوى شمعة القــــوم
عل وعسى لو يلتوي بي ذراعه =ويرتاح بال اللي مولع ومحــــــــروم
واجلس بقربه واتلحف شراعه =واروي عطش قلبا تعود على الصوم
أنا اتمنى شوفته واجتماعه =وهو بعد يبغى المواصل معي دوم
الكل منا لايع الحب لاعــــــه =احرق فؤاده وحرمه لـذة الـنـــــــوم
ياما وياما جمعتنا الولاعه =واليوم صار الوضع واضح ومفهــوم
حل الفراق اللي يروع رواعه =وغطى على نور القمر عج وغيوم
والروح راحت يا محمد نزاعه =ومما بقلبي ماقدر اجلس ولاقــوم
لاشك هذا حكم رب الشفاعه =وما يكتبه ربي مقدر ومقســـــوم[/poem]
" وسلامتكم "
رد مع اقتباس
مواقع النشر (المفضلة)