قصـه وقصيده من تاريخنــا
[align=center]السلام عليكم ورحمه الله وبركاته
كتب هذه القصه وقال فيها أبيتاً من الشعر النبطي الشاعر :
نمر بن عايد بن جلغان الشمري ...
( مجزع بن ملوح المبلّـع الشمري )
هذه القصه لها اكثر من70عام حيث ان (مجزع المبلّع) ومعه ربع ماهم
كثيرين يوم وقت الغزاه مشياً على الرجلين وقد
اغار عليهم ركب اقوى منهم عدد وعده واستولوا عليهم جميعاً
وصوبوا سالم بن هزاع من خويا المبلّع بكسر بالفخذ
وسلبوا متاعهم وبينما هم مشتبكين اخذ المبلّع الزناد من جيبه
ورماه بالارض تحت قدمه من اجل اخفى الزناد
حتى ينقذ به خويه من البرد حيث كان وتهم شتاء حتى يشب به النار
من اجل يتدفون عليها ويشوون عليها مايحصلون
عليه من طعام او صيد او احراق عظام او جلود وذلك عن الجوع وبعد
ان ذهب الركب عن مجزع واخوياه وبقى مجزع
وخوياه مع الصويب وقال الصويب لمجزع واخوياه اذهبوا وانقذوا
انفسكم اما انا موات
وهم الجميع ما معهم ماء ولا اكل وفي الشتاء
واجمعوا انهم يخلون الصويب وينقذون انفسهم
واستيأسوا من الكسير وذهبوا جميعاً ماعد المبلّع
قال اذهبوا وانا مع اثركم وبقى عند الكسير وقال الكسير الحق ربعك
يامجزع لاتموت عندي انا رجال موات ونظر مجزع
لوجه الكسير وشاف دموع على خده وقال له مجزع والله مااخليك
ابداً حتى اموت معك او انقذك ولا تفكر اني اخليك
للذيابه تاكلك ابداّ ومع غروب الشمس شال مجزع الكسير على ظهره
وصار يريح احياناً ويشيله احيانا حتى وصلوا جو
خالي من الناس على دربه وصار يدور الخرق (قطع قماش )
اللي على المراح والشجر ويسرد ويوصل حتى صل الخرق
بالبير وصار يعصر بحفون خويه حتى أرتوى
ثم بدا يعصر بحلقه حتى أرتوى
وقام يلقط العظام والجلود ويحرق بالنار ثم يهتمونها بأسنانهم
حتى وعوا من الجوع والعطش وأخذت المسافه
سبعة ايام وذلك من نفود الثويرات الذي قرب الزلفي
الى نقرة الكهفه من ديار شمر ،
هذا الوفاء بالخوه ومكارم الاخلاق
حيث أوصل مجزع خويه شيل على ظهره سبعة ايام
ومشياَ على الاقدام[/align]
[align=center]
وهذه الابيات قالها الشاعر نمر من اجل الوفاء للخوه [/align]
[poem=font="Traditional Arabic,7,black,bold,italic" bkcolor="white" bkimage="" border="outset,4,gray" type=2 line=0 align=center use=ex num="0,black"]
مبدا كلامـي بالسـلام وتحيـه=للي يرحب دايماً فـي ضيوفـه
أهدي لطـلاب المعالـي هديـه=للي تولـع بالمراجـل شفوفـه
للي يبون المدح عنـدي وصيـه=تروا المراجل بالصعاب محفوفه
مايدركه اللـي عزومـه رديـه=عسرا مثالـه كايـدات ظروفـه
المـدح مايقـواه عفـن دهيـه=عن الطيب والولات تقصر كفوفه
تبي شجاع الليـث باسـه قويـه=يصبر على الشدات لو به كلوفه
مثل المبلّع يـوم يلحـق خويـه=رجلي وحافي والزمالـه كتوفـه
ينقل خويـه فـي ديـار خليـه=سبعة ليالي والضواري تحوفـه
من العطش ماطاح من معنويـه=يمشي اسبوع الزاد ماطب جوفه
من رملة الزلفي لشرق الدويـه=وسبت المواطي طايح من خفوفه
به الشجاعه والرحـم والحميـه=فدى بعمره دون ذكر معروفـه
والاش لو انـه حـدى والديـه=مايلتفت له جعـل بقعـاء تلوفـه
أفعال أبو ملـوح ماهـي خفيـه=مع القبيلـه شايعـه ومعروفـه
مجزع رفع هامات من له دنيـه=تنشر له البيضاء وكـل يشوفـه
صلوا على المختار محمد نبيـه=خمس الفرائض بالمساجد صفوفه [/poem]
رد مع اقتباس
مواقع النشر (المفضلة)