قسمه ومقسوم (( اهداء للجميع ))

[خلف بن عجلان]

[align=center]السلام عليكم ورحمة الله وبركاته

اهداء مني للجميع

اتمنى ان تنال اعجابكم




[poem=font="Arial,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الحب ياهل الحب قسمه ومقسوم = كلن يريح ويستريح وينامي
طبقتها لا شك عيا يجي نوم = من له ثلاث ايام شبه انعدامي
صدر علي في قلة النوم مرسوم = واثر على باق الجسد والعظامي
شمس الضحى لو صار من دونه غيوم = يبقى سفرها ما حجبها الغمامي
ويا صاحبي عن ساعة الشك واللوم = ارفع مقامك يارفيع المقامي
حنا صداقتنا لو انه ربع يوم = تسوى صداقة ناس خمسين عامي
وانته وانا لا حنا قرايب ولا توم = لكن من اسلوبك كسبت احترامي
تعال عندي لك سواليف وعلوم = عن بعض ناس يحرفون الكلامي
بوجيههم شبه اللباقه وهم قوم = وقت السلام يرددون السلامي
تدري كذا نبته مثل نبتت الدوم = ما احدٍ ذكرها من صنوف الطعامي
وعن الخطاء ما فيه احد حي معصوم = لكن على باب التعمد يلامي
وانا ترى نهجي نقاوي ومرسوم = انزل منازل ما نزلها القطامي
شفت اختلاف الناس في طبع وسلوم = تعددت مثل اختلاف الاسامي
مثل اختلاف القاع دشات وحزوم = لا جاه لاهوبٍ من الصيف حامي
لا تلتفت عينك لكشخات وهدوم = عليك بالي يكربون الحزامي
ظل ٍظليلٍ لا احتمت لحظه الحوم = منهاجهم في وقت الافعال سامي
من باع روحه ما حسب قيمة السوم = فداك لو تصبح حياته عدامي
يبقى صديقك لا بدى الضيق وهموم = يموت لكن صاحبه ما يضامي
يموت موت بحربه السيف مسموم = الحر ما يرضى يكون انهزامي
يا صاحبي قد قلتلك شي مفهوم = تسوى صداقة ناس خمسين عامي[/poem]



اخوكم / خلف بن عجلان

[/align]