[poem=font="Simplified Arabic,5,red,bold,normal" bkcolor="black" bkimage="" border="none,4,gray" type=1 line=1 align=center use=ex num="0,black"]
يا خاين العشره مضى بك زمانك= ارحل عن دروبي عسى الله يخليك
الحب كلمه بـس تسكـن لسانـك= والغدر واضح فيك اولك تاليـك
غدار قلبك انـت وينـه امانـك =ضاع الوفا منك وضيعت مغليـك
توي عرفت اليوم كذبـه حنانـك =دام الكذب مرساك لازم اجافيـك
عشت الحزن مرات سبة احزانـك =ما كان ودي يوم القى الحزن فيك
ياما سهرت الليل ابكـي عشانـك =همي اشيل الهـم تالـي لياليـك
ماعاد قلبي لك ولا هـو مكانـك =غدار وخاين انت لي بان خافيـك
وش موقفك لو يوم انسان خانـك =اكيد تهجر قلبه من دون تشكيـك
دام الخيانه والغدر صارت الوانك =شوف غيري كان يقدر يداريـك
بستان قلبي ورد ما عاد بستانـك =تحتاج مثلك قلب غـادر يسليـك
لا تفتكر ارجع بعد اسكن احضانك =مابي ابـد ملقـاك والله مابيـك
انا الوفا مرساي والظلم عنوانـك =صعبه تعيش بدنيتي كيف اجاريك
قلبي الوفي بالامس عزك وصانك =واليوم باعك بعد ما كان شاريـك[/poem]
مواقع النشر (المفضلة)