النــهاية

--------------------------------------------------------------------------------

ياليل .. حاول تنجلي من سمايه
يكفي سنين اللي مضت كلها اعتام

حزن وألم صارت لعمري حكاية
تحكي مآسي عشتها ذيك الأعوام

محروم في دنياي .. مقرب مدايه
من الغرق والموت في بحر الأوهام

اضحك بوجه الناس واخفي عنايه
واحبس دموع العين مع زود الآلام

ازرع أمل في داخلي في حشايه
أقول يمكن ينتهي ضيم الأيام

ويمكن ببزوغ الفجر ياتي ببداية
العمر أنحكم له في حياته بالاعدام

وياللاسف يمكن تكون هذي النهاية
لأني بنيت العمر بآمال وأحلام

ويمكن شروق الشمس يطلع وشاية
وتبقى حياتي كلها .. ليل وإعتام
__________________