مسا الخير على الجميع

هذي قصيده كتبتها بعد ما جيت من الرحله وكنت بالسالفه حزتها صايمه مشيت من ديرتي لجده سبع ساعات ظهر وصلت مغرب وطوّالي على المطعم ولفت انتباهي بنت صغيرة العمر وكبيرة العقل شقرا من بد تكرونيات جالسين وهي معهن وصار لي هالموقف مع البنيه واخليكم مع القصيده لتقرو ما دار بيني وبينها.

غديت لجده يـوم الربــوعــي
سريت تالي اللـــيــل ظاميـــه
بعد مشوارٍ طويــل خـطا دروبي
إطرحت عيني على ذيك الحافيه
من نظرتن ردت لـــي وجــوعــي
بليا شعور نزفت دمعة حاشيــه
وجهن باقي فيه علامات الخشوعي
منحنيتن ما بين ذيك الزاويـــــه
مدري بعد زاد عندي الفضـولــي
نشدتها وهي مستكنّه وهاديـه
سألتها وقلت ميدهآ تبين عوني
ردت الحمدلله بعيشتي راضيـــه
كني ضقت وحال بي شجوني
كانت معي بأسلوبها شوي قاسيه
حست بي وقالــت لا تـلـومــي
أنـا مـن قـهــر زانــي وزانـيــه
بعد خمس سنين من وقــوعــي
لقيت اني فـي الحــرم خـافـيـــه
أدوّر بين العرب من وراي وحولي
ومـن ثـــم أصبحت كــالجـاريـــه
تهرج وشافت الحزن في عيوني
إسكتت وقالت هذي هي النهايـه
مديت الشيك وخيبت ظـنــونــي
ردتني ياوخيتي للمال أنا لاقـيـه
بس ما هقيت بيـبرى طـعــونــي
بتصبّر مانيب الاولى والثــانـيـــه
لين ما يجي اليوم ويدفـنـونــي
وتصبح الدنيا للغير بعدها فانـيه
وبعد وادعتها وداع القــطوعـي
وتابعت مسيرتي نحو القـافـيــه