مســاء الخيــر على الجميــع ...
في فن علم النفس وأنــماط الحيـاه
مصيــبتك طـلّـع وراها فايده
لاينتثر فكرك على كذا اتجاه
الخصخصه فن العقول الرايده
وإن ساد من حولك شعور الاشتباه
خذ لشعورك منطقه محايده
الثقه سقف العقل والناقص ذكاه ؟
من حسسـك بأن فيه حاجه زايـده
والابداع ؟ ماهو لعـب شد الانتباه
على حسـاب إلغــاء فكره سايـده
والضيق ضيق الأفـق وإكــظـام الشفاه
وفهم الحياة على انها مزايـــده
أفــضل وسيــله للســعاده والنجاه
سهلـه على الراغب ولاهي كايده
توحد الله صــدق وتقيــم الصـلاه
وجعل الفـواحــش عن حدودك نايــده
وتكف يـدك وتحمـد الله عل الغناه
وتخــشر هنودك معــك في المايـده
ولاتخــاوي لاشيوخ ولارعاه
خاو اصدقا تفكيــرك وفرايـده
والشيــخ من تواضعه يسبق عطاه
يتعودون الناس من عوايــده
والحب ذروة كل شي ومنتـهاه
ومحــلا من وضوحه سوى مكايـده
يبـكي الرجال ويبحــث خــفاه
ويعلمـه شـرح الحظـوظ البـايــده
واللي يحــب احــد ماهو في مستـواه
يبطــي وعيــنه بالمدامــع جــايــده
ياوجــد حال الشـاعر وياأمـه وأبـاه
وجــود من هــاوش لأخــوه وصـايده
اللـي أتمنـى أعيــش واتوفـى معــاه
حــتى فعيــده ماقــدرت أعـايــده
الحــزن طــاقـه للدعـاه وللطــغاه
وأنـا طلعــت من الجــروح بـفـايـده
إن لــم تـزد شيــئاً على هذي الحيـاه
فـتـأكــد أنــت حـاجــه زايـــده
رائــعـه من روائــع الشــاعر .. سعــد بن عــلوش ...
دمتــمــ بخيــر
مواقع النشر (المفضلة)