البشر في الاتصالات يخطون .... يخطون وأخطي عذرنا هاتف فلان ؟؟
ومن عادتي ماهتم باللي يقولون .... من غلط في رقمي لقى الرد غلطان
الين جاء في يوم دق التلفون .... شفت الرقم ولقيته أشكال والوان
فتحت جوالي أبعرف من يكون ... سمعت صوت فيه بحه وفتان
قالت لي أنت تركي ؟ قلت ايه بالعون ... لعيونك أسمي تركي لو كان ضيدان
قالت : أضني مخطئه قلت وشلون ... قلبي توقف مانبض فيه شريان
بالهون يابنت الاجاويد بالهون ... من عادة الانسان يرتاح لانسان
تسمعين يابنت وأبليس ملعون ... أخذي كلام مصدره صدق وجدان
ماني بقايل لك أنا إنسان مزيون ... أطرق ولاله شبه في الانس والجان
أنا سلطان وأفي الهرج مزيون ... أوزن كلامي قبل أقوله بميزان
وأنا الذي لا حب لا يمكن أخون ... مخلص مدامه حي ويموت ماخان
وأنا إذا حبيت حبيت بجنون ... حبي يفجر داخلي ألف بركان
وأنا الذي ماطرد ورى من يقفون ... من صد عني عمد بحزيه حقران
هذي وصوفي وأكثر الناس يشرون ... وأنتي عليك اليوم تقدير الاثمان
قالت أشوفك قمت ياسلطان تمون ... تضحك وضحكتها تقاسيم فنان
قلت الميانه ماهي بضحكة سنون ... أحيان ماتلقينها بين الاخوان
ترى الميانه شي وأضح ومضمون ... أذا أجتمع شخصين في قلي ولسان
قالت كلامك وأفي باين خلدون ... أحيان أحس أن جلستك بين شيبان
ياسلطان أسمع كلمة البنت ميسون ... أسلوبك ووقتك مضت دونها أزمان
هذا زمن قدوته أفلام كرتون ... وهـذا زمـان أرجـالـه أجـسـاد وأبـدان
قالت وغنت لي على وقتي لحون ... قلت أسكتي من بعد ماخاطري شان
أنا أدري أن الوقت من دون في دون ... لكن فمان الله وأنس اللذي كان ....
وسلامتكم .. تقبلو تحياااااتي لكم .
اخوكم مجرد حلم .
مواقع النشر (المفضلة)