تخيلـت واويـل الـذي واقعـه كــذاب
احسبي قريب اثر الوصـال ابعـد امالـي
صحيح اننا احبـاب لكـن بليـا ابـواب
جميع الدروب سدود مـن بيننـا اقفالـي
انا ذاب قلبي والحبيب اشتكـى لـي ذاب
ولاحيلة(ن) يحتالهـا ومثـل انـا مالـي
سراب الأمل يتعب وذكرى الحبيب اسراب
ملا القلب حبه من هوى غيرهـا خالـي
تخيلت انا وايـاه فـي سحـره الجـذاب
يسولف علي واشوف انا وجهـه قبالـي
يصير الخلا الخالي لنا منظـر(ن) خـلاب
اعيشه ولو لحظات هي عمـري التالـي
لو اودع الدنيـا وهـو حاضـر ماغـاب
وله صورة(ن) بالعين من يعدل الغالـي ؟
أنا نـادر الاصحـاب مااكـرر الاحبـاب
ولكـن ليـا حبيـت انـا احـب بهبالـي
ولامننـي ظنيـت ظنـي حشـا ماخـاب
بالاحساس ماهو من ذكا أو علـى بالـي
حبيبي متى الايـام توفـي لنـا الاتعـاب
متى وضعنا ينحـل هـل فيـه حلاّلـي؟
يقولون : بعض الطول عزه .. ولكن شاب
أملنـا وطولـه فيـه ذلـه وغربـالـي
أنا يحترق قلبي وتعْـرف وش الاسبـاب
ترى تالي الحالات تلحـق علـى حالـي
تكرم بوصل(ن) ينعش اللي وقع وانصاب
مع الوقعة المسكين في قيـد واغلالـي
عشقتك وغالبت الهوى والهـوى غـلاب
انا لـك وماأملـك ولااقـول هـذا لـي
ولا اقول انـك بالهـوى خـادع ولعّـاب
حشا وانت نوب(ن) تذرف الدمع همالـي
عطيتن ولكن العطـش بالحشـا لهّـاب
ولاري غيـر المـي مـرّ(ن) ولاحالـي
ذبحني خيالـك يابعـد اغلـب الاقـراب
وتفداك كـل البيـض عـدلات الازوالـي
أنا واقعـي يذبحنـي الواقـع وماارتـاب
اخاطر علـى شانـك ولكـن واعزالـي
لأنك كمـا نجـم الثريـا ولـو مااهـاب
اشوفه بعيـد وقاصـره دونـك حبالـي
مواقع النشر (المفضلة)