-
... عضو ذهبي ...
- معدل تقييم المستوى
- 1
بنت نجد ..........
بنت نجد الزين فيها والدلـع مابـه مثيلـه
الرزينه والجميله وافيـه كـل الخصايـل
بنت نجد وكنها ورد القرنفـل فـي خميلـه
وردةٍ ماهي ورود المزهريـه فـي الخمايـل
بنت نجد ليا مشت يطرق على ردفه جديله
كنه الليل ليا فلت فوق الامتـان الجدايـل
بنت نجد ليا حكت كن الشهد مدرج مسيله
والشفايف جمرتين وهمسها يشفي العلايـل
بنت نجد عيونها حر علـى راس الطويلـه
عين حرٍ فوق رجمه ماحـد للحـر طايـل
بنت نجد برمشها لاسلهمـت والله قتيلـه
تذبح اللي شافها ماقلت انا عندي دلايـل
بنت نجد وثوبها يخجل من الجسم ويشيلـه
يستحي كنه يقول اخشى على زين الدلايل
بنت نجد وطبعها يحكي لنـا مليـون ليلـه
كنه مألف كتـاب لشهـرزاد ام الجمايـل
بنت نجد محشمه لا هي قصيـر ولا طويلـه
زين مع عفه وطهر وزود من نسل الحمايـل
بنت نجد وحظ منهو صارت لشوفه حليلـه
اشهد انه اسعد العالم عسف زين الاصايـل
بنت نجد احلى البنات بكل مافيهـا جميلـه
لو تدور في البلاد ولو تدور فـي القبايـل
بنت نجد حروف شعري يوم اوصفها قليلـه
ماوفيت بحقها في الوصف مار ابدي الحصايل
بنت نجد وبنت نجد وبنت نجد بنت اصيله
-
-
... V I P...
- معدل تقييم المستوى
- 7
لاهنتي يا فتون يا بنت نجد
وسلمت يمينك على النقل
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
رد مع اقتباس
مواقع النشر (المفضلة)