بسم الله الرحمن الرحيم
السلام عليكم ورحمة الله وبركاته
..
هل الاستهزاء بالدين أمر هين .؟
((وجهة نظري))
من ناحية ( طاش ما طاش ) والقائمين عليه :
هو الافلاس ولا شيء غير الافلاس افكار مكرره اكل عليها الدهر وشرب ؛
ممثلين مازالوا يتعاملون وكانهم في سن المراهقه ؛
تغيب للمشاكل التي يتعرض له المواطن كل يوم في الدوائر الحكوميه وبغباء واضح ؛
محاربة بعض القيم ودعوه صريحه للافكار ( الانحلاليه ) والاختلاط اولها ؛
هذا غيض من فيض ؛
نسئل الله ان يهدي القائمين عليه ويردهم الى صوابهم ؛؛؛
البارحة كن الفضاء غرفـة إنعـاش
وأنا المريض اللـي حياتـه كسيفـه
والهـم ذيـب ٍ للمعاليـق عـراش
والقلب شيخ ٍ وأعظم الحزن ضيفـه
واليا نشدنـي واحـدٍ قلتلـه مـاش
مابـه جديـدٍ للقـديـم بنضيـفـه
ياليتها ضيق ٍ فـالأرزاق وأعتـاش
أعتاش لو ما القى بعمري وظيفـة
وليت السبب حب ٍ للأطراف رعاش
كـم ٍ وليـف ٍ ماحصلـه وليـفـه
مير البـلا لاشفـت للديـن نهـاش
من النفـوس الحاقـدات الضعيفـة
ومن عادتي لا جبتها جبتهـا كـاش
واللي زعل يزعل على كيـف كيفـه
هذا جوابٍ عاجل لطـاش ما طـاش
يخزي وجه ناصر ويخـزي حليفـه
مانقبل الصـورة بتفكيـر حشـاش
لأهل القلوب الطاهـرات الشريفـة
لا عاش من يشتم هل الدين لا عاش
ولا عاش من يشهر على الدين سيفه
ذولا هل التوحيد يالغـادر الغـاش
ريفك وريف اللي خذا الوقت ريفـه
قلوبهم بيضا وأبيض مـن الشـاش
وأفعالهـم عنـد المعـادي كليـفـه
ذولا رجال الدين ياكلب الاحـواش
الله مكرمـهـم بمـلـه حنـيـفـة
ولا أنت ضايع بايع الديـن ببـلاش
بصيرتـك بيـن البصائر كفيفـة
بكره ليا جتك المنيه علـى فـراش
ومرت حياتك قدام عينـك عصيفـه
وحسيت في روحك تراقى مع الجاش
ودموع عينك فـوق خـدك ذريفـه
عرفت بأنك مرتكيلك علـى قشـاش
وانك ظلمت أهل القلوب النظيفـة
في وقتها مالك من الموت منحـاش
بيحاسبـك راع العـدل والنصيفـه
ولحدن بمرمش لا توفيـت برمـاش
جيفه ومن يبكي من النـاس جيفـه
إن عشت خفاش وان مت خفـاش
مايفقـدك غيـر العقـول الخفيفـة
وختامهـا مانـي بجايـك برشـاش
لأنا بحكم أهـل السيـوف الرهيفـة
مير افهم الموضوع ياطاش ماطاش
واترك تفاهـات اليهـود السخيفـة
كتب القصيده: ( الصارم ) نايــف بن عريويل
مواقع النشر (المفضلة)