هذا الهــوى ...
__ السلام عليكم ورحمة الله وبركاته __
قصيده اعجبتني وحبيت انقل نزف شاعرها لكم
قـال : انـت شاعـر ؟ قـلـت لــي فـيـه لــدّه
وش مقصدك من راعي القاف.. والقاف ؟
قــال : الـهـوى يـاخـوك انــا الـحـال هــده
وعجـزت لااوصـف حالتـي بايـة اوصـاف
وابـيـك تـكـتـب لـــي بـيــوت(ن) مـشــده
عــن قصـتـي تــر قصـتـي كلـهـا زعــاف
وشـــرح الــلــي كــــان مـخـفـيـه ســــده
قـصــة شـقــا وسنيـنـهـا كـلـهـا عـجــاف
الا .. اولــــه ســعــاده وصــــار ضـــــده
تـــال اللـيـالـي واللـيـالـي بـهــا اجـحــاف
قــلــت : الـقـصـايـد كـلـهــا لــــو نــكــده
مـابـه لــراع الـحـب فـزعـه ولا اسـعــاف
هــــذا الــهــوى يـالـعـنـبـو بـــــد بـــــده
يـذبــح صعـالـيـك الـقـبـايـل والاشــــراف
أشفـى لـك مـن الشـعـر لــو شـفـت خــده
قـال : الـبـلا مــرت لــه سنـيـن مايـشـاف
خــذيــت انــــا وايــــاه يــاخــوك مـــــده
مــن بعـدهـا لاطـفــت حـولــه ولا طـــاف
طــالــت مــــن الــدمـــام لاحـــــد جـــــده
ومــن الشـمـال لـيـا جـنـوبـه والاطـــراف
رجـلــي لـــو ادري ويـنـهــي/ مـسـتـعـده
تسـعـى ولا تتـعـب مــن اقـفـاي وانـكـاف
والـشـوق .. واقلـبـي مــن الـشـوق قـــده
ولااشتـدت الذكـرى لـوى القـلـب رجّــاف
وجفـنـي عـلـى عــود السـهـر دوم امـــده
ولازادت الـحـيــره تـــــر الــدمـــع ذراف
ولـيــا هـجـدنـي طـيـفـه ازريـــت اصـــده
عـشــرات .. لا .. مـيــات .. لاوالله الاف
وان جـيـت ابــا ارقــد خرّعـتـنَ الـمـخـده
ماانـا مـثـل غـيـري لــي فــراش ولـحـاف
يــطـــول لــيــلــي والــثــوانــي أعــــــده
مشـيـه عـلــى قـلـبـي ونـيّــات وضـعــاف
قــلــت : اكـتـفـيــت بـقـصـتــك لاتـــــرده
عنـدي خبـر عـن وصفهـا كامـل(ن) واف
مـااقـدر عـلـى شـرحــه ولااطـيــق حـــده
وكـم واحـد(ن) مثلـك علـى جـال ميـهـاف
الــحـــب عـــلّـــه بـالـحــشــا مـسـتــبــده
مـالـه مــداوي لـــو تـجــي كـــل عـــراف
وجــرح الـهـوى احــذر لاتـحـاول تـســده
خـلـه عـلـى شكـلـه مــع الـوقــت نـــزاف
لـيــا ابـتـعـد عـــن عـيـنـك الـلــي تـــوده
ولّـيـت لــو قــال الـعـرب مـابــك خـــلاف
هــــذي ســــواة الــحــب هــــذا مـــــرده
مصـرع شديـد القـوم مـن ليـن الاطــراف
الشاعر:-حمود بن جارالله المزيني
مـ ع حبـ ي
اسـ ي ـر الدمـ ع ـه
رد مع اقتباس
مواقع النشر (المفضلة)