رحلتي وطول غيابك ولا أدري وينها دنياك
ولا أذكر من جفاك الافراق أجهل أسبابه
رحلتي وأحس ان قلبي يبي يرحل بعد وياك
واحس بداخله ضيقه ونبضة حزن مرتابه
وأحس أنه ينادي لك وينده لك ولا يلقاك
ولا يلقى سوى غيابك وليل البعد وأتعابه
ياليتك لو تزوريني وتشوفيني بعد فرقاك
بديت أجهل وجود الناس كأني عايش بغابه
أعيش الوقت وحداني انا والليل مع ذكراك
أقلب دفتر الذكرى واناظر فيه واقرابه
وأحسك جالسه جنبي وأفز والتفت ما ألقاك
ولا القى غير وهم وخيال ٍ مدري اشجابه
أشوفك وين ما طالع يميني ويساري وهناك
مع كل الجهات ألقاك تجيني بطيف متشابه
تعالي وأوعدك اني أبيع الكل لجل رضاك
تعالي لدنيتي موطن أبيع الروح لترابه
تعالي مابقى ساكن بجسمي ماصرخ ينخاك
تعالي ملت أصواتي وجنوني شقق ثيابه
مواقع النشر (المفضلة)