المشاركة الأصلية كتبت بواسطة سعد الخالدي
[poem=font="Simplified Arabic,4,blue,normal,normal" bkcolor="transparent" bkimage="../backgrounds/11.gif" border="none,4,gray" type=2 line=0 align=center use=ex num="0,black"]
تبين البعد أبد حاضر قسم بالله ما اردك=ولكن لاتجيني يوم بقولة تكفى أنا حنيت
أشوف إنك تورطتي بشي كبير مو قدك=ماظني تنفعك بكره حسافه وليتني ياليت
على بالك ابترجى وكل الخوف من صدك=ترى قبلك كثير اللي ترجوني ولاترجيت
إذا عشقك يوطيني لا أبوجده لا أبوجدك=وإذا مليتي من قربي فأنا منك بعد مليت
أخاف انها تصانيف وشياطين تب تحدك=وأخاف إني اوري لك شياطيني لو أنحديت
وأنا والله ماودي ولكن كنه بودك=تشوفي ردة افعالي ليا صديتي وصديت
ابرسل لك سحر طيفي يجرك من ورى سدك=يجيبك لآخر دروبي وانا ماقمت وتعنيت
يخيل لك صدى صوتي وهمس الشوق بيهدك=تناديني .. تناديني ..تناديني ولا رديت
تحسين بدفا صدري كأنه مصدر يمدك=دفا هالكون رغم اني بعيد وتوني ماجيت
ولامن غمضت عينك تحسي يدي بيدك=ولامن فتحت عينك تشوفيني بزوايا البيت
أبنزل مع دموع الهم واهدي في طرف خدك=لأجل ما أنحت الفرقا واوثقها هنا مريت
لأني ساكن بدمك وقلبك واقف ضدك=دمارك بعدي لو لحظه فما بالك إذا اقفيت
مدام انك سمعتي اللي أقوله وأبتدأ يشدك=خذي مني هديه لك حلالك واحفظي هالبيت
تبين البعد أبد حاضر قسم بالله ما أردك=ولكن لاتجيني يوم بقولة تكفى انا حنيت [/poem]
تبين البعد أبد حاضر قسم بالله ما اردك
رد مع اقتباس
مواقع النشر (المفضلة)