طريقة شيل الشعر مرة حلوة
اكيد كل وحده منكم لها طريقه بإزالة شعر الجسم طبعا اغلب البنات تستخدم الحلاوه لجسمها لأن الشعر كله يطلع وينعم الجلد ومايطلع الشعر بعدين بالمقلوب زي ماتسوي ماكينة إزالة الشعر وانتو عارفين بلشة الحلاوه والوقت اللي تاخذينه لييين ماتشيلي جسمك كله انا بعطيكي طريقه تعلمتها والله من جد تهبل وسريعه بالمره ماتتوقعي بنص ساعه والله تخلصين جسمك كله من فوووووق لتحت
اول حاجة خذي المقاااااادير
كاس سكر
ربع كاس عسل
عصير نص ليمونه
الطريقه: حطي كل المقادير بصحن زجاجي وحركيهم زين بدووون ماتحطي ماء الحين خذي الصحن ودخليه المايكرويف لمدة 8 دقايق تقريبا بس انتبهي للصحن لأن السكر يغلي ويمكن يطلع برى الصحن حركيه شوي وارجعي دخليه المايكرويف طلعي الصحن برى وحطي نقطه من الحلاوه على الطاوله واضغطي عليها بأصبعك اذا شفتيها صارت تلصق زي الحلاوه اللي تعرفوها العاديه اللي بالعلب وتصير زي لونها يعني خلاص
اتركي الحلاوه تبرد ويوم تصير دافيه يعني تقدري تحطيها على جسمك الحين جهزي
قطع قماش قصيهم بالطول وبالحجم اللي انتي تحبيه بس انتبهي لنوع القماش انا شفت احسن شي
تعرفون السراويل البيضاء الطويله الرجاليه احسن شي خذي القطع اللي ماتبينها وقصصيه
الحين خذي اذا عندك ملعقه خشب مفروده زي الملاعق اللي نشيل فيها الحلى اكيد عرفتيها خذي من الحلاوه وافردي طبقه خفيفه جدا على المكان اللي تبين تشيلينه والصقي قطعة القماش عليها واضغطي زييين وشيلي بعكس نمو الشعر زي ما تشيلين بالحلاوه العاديه سهله صح بتشوفي الشعر كله طلع حتى الصغير مره وحتى الحبوب الصغيره والجلد الميت ويصير المكان ناااعم جدا ومايحتاج ترجعي للمكان مره ثانيه وبكذا راح تخلصي بسرعه
بعدها انا اجيب ليمونه واحط عليها شوي سكر وافرك جسمي بعد الحلاوه واغسل بماء دافي
جيبي ماء ورد وحطي عليه جلسرين سايل او زيت اللوز وادهني جسمك بعدها ادعيلي
اللي ماعندها مايكرويف تحط الخلطه على النار وتحرك على نار هادئه لين ماتذوب الحلاوه وتصير ذهبيه وتلصق بين الأصبعين
تقدري تسوي كميه وتحفضيها بعلبه بلاستيك ولما تحبي تستخدميها تسخنيها بالمايكرويف لحد ماتدفي
رد مع اقتباس
مواقع النشر (المفضلة)