السلام عليكم ورحمــــة الله وبركاته.......
اقبل العيد ما فصّلـت ثـوبٍ جديـد
دام هالعيد مثل العام .. كلـه سـواء
ثوب واحد يكفّـي دام مانـي وحيـد
مثل غيري من اللي بالحزن انكـوى
كلما راد يفرح حـسّ مثـل الوقيـد
داخل الجوف مالـه لاعـلاج ودواء
شايف الدين يشكي والمذلـه تزيـد
والطواغيت تكثر في زمـان الغـواء
خلو العيـد للـي يستحـق النشيـد
من رفض ذل وقته ما مشى بالهوى
يبذل اللي بوسعه ماخضـع كالعبيـد
قدّم النفس شمعه تحتـرق وانطـوى
تعطي النـور للـي تايـهٍ او شريـد
مالقى الدرب لو ضايقه ريح الشواء
خلوا العيد للي بـاع نفسـه شهيـد
يرجي العفو والغفـران فيمـا نـوى
لاتقولون ميّـت حـي يـرزق أكيـد
خالدٍ فـي جنـانٍ وردهـا مـا ذوى
دام هالموت واقع عنه ما من محيـد
عزة النفس اسمى من حياة الثـوى
من طلب للشهاده عاش عمرٍ مديـد
ومن رضى بالمذله مات فيما اهتوى
دام صرنا طوايف.. افعل اللي تريـد
يازمان التشرذم يحكمك مـن قـوى
يتبعه كل ذيلٍ طامـعٍ فـي الرصيـد
في حياة دنيّـه لاهـثٍ مـا ارتـوى
لين صرنا نحارب بعض لاجل الضديد
كالغنم لاتناطح تجهـل اللـي عـوى
لو تشوفه يلغّف بعضها مـن بعيـد
تحسب إنّه تركهـا ماعليهـا نـوى
لا متى ما نفكـر قبـل يـومٍ شديـد
يغرق المركب اللي فيه نبحر سـواء
كيف نرضى لبوش الحقد نصبح عبيد
وين اسود العروبه حامليـن اللـواء
عيد مانيب يمّك لاتجي مـن جديـد
ارفضك دام ديني في حضيضه هوى
منقـــــــــوله أختكم //أصـــــــــايل نجــــــــد
مواقع النشر (المفضلة)