أخي الشاب...تعال تعلم الطبخ مع مجنونة نائله

[مجنونة نائله]

[align=center]أخواني الشباب تعالوا نتعلم الطبخ مع مجنونة نائله..^_^
أول شي نبدأ مع الشاي أنا عارفه انو شي صعب عليكم بس حاولوا حبه حبه

المقادير:
براد(كفتيره) ما ادري ايش تسموها اعتذر عن اختلاف اللغات………
شاي
سكر
ماء
بوتجاز
ولاعه
ملعقه
فنجان

طريقة العمل:

اول شي نحط المويا بالبراد.
بعدين نحط البراد على البوتجاز
نولع النار بالولاعه بس انتبهوا( لا تلعبوا بالنار)
نحط السكر ونخلي المويا الين ما تغلي ( يعني تطلع فقاقيع ) بس مو صابون
بعد ما تغلي المويا نطفي النار ونحط الشاي .
نجيب فنجان (نظيف) نسكب الشاي ونشرب .
@@@@@@@@

ننتقل للبيض المقلي
المقادير:
بيضتين
زيت
ملح
فلفل اسود
قلايه

طريقة التحضير:

نحط القلايه على البوتجاز ونولع النار بالولاعه
بعدين نحط الزيت وننتظر الين ما تصير درجة الحرارة22,158965 فهرنهايت
انتبهوا هادا اهم شي بالطبخه واذا ما عندكم ترمومتر ..حطوا إصبعكم الصغيرة في الزيت (عادي انتوا شباب تتحملوا..صح) الين ما تقولوا (أح) هادي هيا الدرجة المطلوبه.المهم بعدي نحط البيض بصحن(نظيف) نخفقه جيدا الين ما تطلع فقاقيع ونظيف عليه ملح وفلفل ونخلطه كويس ونحطه على القلايه ونسيبه فتره(مو لتاني يوم) فتره قصيره ونقلبه على الوجه الاخر الين ما يصير لونو برونزي. ونجيب صحن (نظيف) ونحط البيض ونبدأناكل بس انتبهوا(لازم تكون يدكم نظيفة وتاكلوا باليد اليمين)^_^ لو هادي الاكله صعبه عليكم في شي اسمو بيض مسلوق وطريقة عملو سهله نجيب قدر صغير ونحط فيه مويا
ونجيب البيض ونحطو برفق (مو تتخيلوا نفسكم تلعبو كرة سلة) سيبوه لمدة ربع ساعة بعدين طلعوها اااااااااااااااا ما عرفتوا تاكلوها لا تخافوا اكيد ما قشرتوها
لا لا ايش تسوا ما نحتاج (مفك و شاكوش) يا اخي بيدك دق البيضه بالصحن لو ركزت حتلاقي على البيضة شقوق ابدأ قشرها شويه شويه بعدين كلها.....
@@@@@@@@

ننتقل للسندوتش
المقادير:
صامولي (خبز) اعتذر عن اختلاف اللغات.........
جبنه (أي نوع) تفضل السايله
ملعقة
سكينه

طريقة التحضير:

امسك الصامولي وخد السكينه بحذر واقطع الصامولي طوليا انتبه على اصابعك ..المهم اغرف جبنه بالملعقه وابدأ بالدهن انتبه انتبه امسك الصامولي بلطف ونعومه (المطلوب منك الدهن وليس اعادة العجن) ثم ابدأ بالأكل(باليد اليمين)
@@@@@@@@

واخيرا العصير البارد

انا عارفه انكم اترعبتوا لما شفتوا كلمة عصير روق روق يا اخي اشتري عصير جاهز..ما حتعبك بتقشير وتقطيع الفواكه...

امممم المشكله لو ما كان العصير بارد زي ما انتى تبغا ..
.لا تخاف مع حبرالغلا الحل موجود...
ادخل المطبخ وخذ كاسه (نظيفه) اسكب العصير بالكاسه او الاسهل لا تسكبو بكاسه ولا تتعب نفسك حطو بعلبتو بالثلاجه

اكيد ما فهمت ايش يعني ثلاجة ..
الثلاجة هي جهاز كبير (مو مره مره) لتبريد الاطعمه ..
المهم لو ما عرفتو اسأل أمك او اختك او أي بنوتة صغيرة وحتدلك عليه .
افتح التلاجة عارفه انك حتنصدم من كثر الاكل اللي فبها ..
المهم حط العصير..لا لالا فين رايح اقفل الباب عشان يبرد سيب العصير ربع ساعه وبعدين افتح الباب وخد الكاسه واجلس على الكرسي واشرب^_^


وتقبلوا ارق تحياتي...[/align]

[جنون إنسان]

شووووووووووووووووووكرن عالوصفة


<<<<<< طباخ ماهر ونفسه حلو في الطبخ ويريح اهله ويطبخ هو دايم هوايه

[اميرة العناد]

مشكووورة حبيبتي على الموضوع الحلو

وان شاء الله الاخوان يستفيدون منه

[القـ معذب صيم]

هههههههههه

الف شكر لك اختي مجنونه

ويسلموووه ع الشرح اللى عندي صعب لكن دعاك معنااااااااا


وتحياتي لك ,,,

[!.همسة العسكرٍي.!]

يعطيك العافيه على الطرح المفيد والمميز
ღهمووسـةღ