[poem=font="Simplified Arabic,5,black,bold,normal" bkcolor="transparent" bkimage="" border="double,3,purple" type=0 line=0 align=center use=ex num="0,black"]
اونست لي لاهب وجريت صاحه = ياشيب عيني من زمان الغرابيل
واقلبي اللي نايح الوجد ناحه = سر المحبه فيه.. كيف ومعاميل
كان الصعيب اللي يحال اجتياحه =واصبح اضحيه.. للرموش المظاليل
لافنه الخفرات واخفق نجاحه = واستيسرنه لابسات الخلاخيل
يوم امس بالخفجي تجدد نياحه= من ام العيون اللي هدبهن مظاليل
اللي بجمس ايكم ..شهرلي سلاحه = من عينها شفت المنايل مباهيل
تظفي على العاشق بحد انشراحه=والهن بقلب اهل المحبه مداهيل
كم عاشقٍ منهم تنازف جراحه = وانا بعد .. منها شكيت البهاذيل
حلوة نبا بالهرج فيها فصاحه = منطوقها يشفي.. كبودٍ معاليل
مثل العبير اللي تتزايد رياحه =من وين ماهب الهواء زاد تعليل
قلت السلام وقال يسعد صباحه=افصح لنا يكفي عن الحط والشيل
وقلت الحقيقه ياظبي البراحه =القلب هاجر من ظلوعي وانا خيل
ضف بجناحينه وزاد اجتماحه= ولاله مصده عنك يانجمة اسهيل
قالت بسيطه كان هذي صراحه= انا بعد قلبي شبك بالمحابيل
لعبتبه ياخي ..والله وقاحه = وبعيوني انته مثل كل الرياجيل
لافارقن عنهم ..ولابك ملاحه = لاشك قلبي شدني يمكم حيل
من شوفكم مال المشقى استراحه =ولانعرف الاسباب يابن المشاكيل
قلت السبب قلبي تقلد وشاحه = فارس واله عاده على مطارد الخيل
كم جم صافي قد شربنا قراحه= وافعولنا ماهيب مدت درابيل
قالت ونبرة صوتها ..به بحاحه=واللي حشر ابره.. بطير الابابيل
ان الغرام بداخلي له فساحه = واني هويتك بد كل الرياجيل
واقفيت انا والقلب زادت جراحه= امولعٍ فيها ولا عاد لي حيل[/poem]
مواقع النشر (المفضلة)