السلام عليكم ورحمة الله وبركاته
أنقل لكم قصيدة (( المباني )) للشاعر المبدع حــــامــــد زيـــد
وهي قصيدة لامست أعماق قلبي
وأشعر أن أحدا سبقني بوضعها في المنتدى لجمالها وروعتها
واليكم القصيدة ...
جابك الله من غــــيـــــاب ضيق صدور المدينة ..
قبل لا الوحشة تزعزع بيتك الصلب وتبيده ..
بيتك اللي من رحلت وكل جدرانه تعاني ..
ماتحمل ينتظر شهرين وعيونك بعيده ..
الله العالم لو انك جيت متأخر ثواني ..
ماتشوف إلا بقايا من حصاه ومن حديده ..
من عرفتك وأنت تـــايه من مواني في مواني ..
وتاركٍ قلبي مولع من وقيده في وقيده ..
ضاعت سنيني أحد بهالليالي وتحداني ..
[[ وأنت ماتــشــبــع غــيــاب وما تــخــاف من النقيده .. ]]
ودي أتحمد لك الله بالسلامة مامداني ..
كل ماتوصل برحله ترجع برحله جديده ..
دام تدري كل وجههٍ غير وجه الله فاني ..
[[ياخي اكسب لك ثواب وخاف ربك في عبيده .. ]]
كان فيني عيب قلي :: فيني العيب الفلاني ..
كان هرجي مزعلك في شي قلي :: لا تعيده ..
عيب تصغر في عيوني وانت برقاب الغواني ..
ليه تستسهل طعوني وأنت خابرني وليده ..
لعنبوك إن مت بيدك من يفكك من اخواني ..
لا حزنوا ربعي على فرقاي شاللي تستفيده ..
[[ أنت منت اللي عشقته أنت أكيد انسان ثاني .. ]]
[[ ليه صرت بهالبرود وهالأحاسيس البليده .. ]]
[[ وين حبك للزعل وين العناد الأولاني .. ]]
[[ وين حنية زمان وفرحة العمر الرغيده .. ]]
[[ وين ذاك اللي ليا أقبل مايبات إلا بأماني .. ]]
[[ وين راح اللي ليا أقفى مايروح إلا فقيده .. ]]
[[ واحدٍ من جابه الله بس يامر ويعصاني .. ]]
[[ الوحيد اللي أخافه ازعله وأمشي معه سيده .. ]]
مابغيت أطيح بيده لين ماربي بلاني ..
ولا أنا لو هي بكيفي مابغيت أطيح بيده ..
ذاك بس اللي ليامن جيته لخبط كياني ..
اللي بنظره ينشف دم قلبي في وريده ..
قبل أشوفه أجمع له أحلى القصايد والمعاني ..
وإن لقيته ماعرفت أقوله جمله مفيده ..
ألف مره قبله أعد القصيده من لساني ..
ولعنبوه ان جيت عنده قمت أخربط بالقصيده ..
[[ أمدحه وأنا أدري انه لو تــبــاطــانــي نــســانــي .. ]]
[[ أنطحه وأنا أعرفه مجنون وأفكاره عنيده .. ]]
من يسوي بي سواتك يالرهيف الأسمراني ..
[[ منهو من الناس غيرك غــلــطتــه ترفع رصــيــده .. ]]
[[ من يقص جناح طيرك وأنت أعز انسان جاني .. ]]
ليه أخاف رماح غيرك وأنت ضرباتك سديده ..
[[ ان تبعتك أتبعك من طيبي وواسع بطاني .. ]]
[[ ولا أنا لا جيت أكيد انسان تدري كيف أكيده .. ]]
[[ أقدر أنزع لك ثيابي وألبس ثياب الأناني .. ]]
[[ وأقدر أطلع من عــذابــي وألعب بدورك وأجيده ..]]
[[ ومستعد أكسب رهاني لو بغيت أكسب رهاني .. ]]
[[ وأخدعك بحساس كاذب وأتحدى من يصيده .. ]]
أبك أنا لا شفت خلي حط غيري في مكاني ..
والله اني لتركه وأصد وأعشق سيد سيده ..
[[ جيت مابيك تحقرني جيت أبيك تعز شاني .. ]]
[[ جيت أبي فزعة ظلوعك من مشاعرك البليده .. ]]
[[ خلني داخل حدودك واجبر بخاطر زماني .. ]]
[[ اكذب بباقي وعودك واصدق بلحظه سعيده .. ]]
[[ انتشلني من برودك لو تولع بالمحاني .. ]]
[[ عطني احساس بوجودك واخذ كل اللي تريده .. ]]
[[ تـــكـــفــــى واليا قلت :: تـــكـــفـــى بيع خلق الله عشاني .. ]]
[[ لا تضيع من يديني فرصة العمر الوحيدة .. ]]
[[ يعلم الله شفت منك ومن غيابك ماكفاني .. ]]
[[[[ كان ماتـــقـــدر تـــخــفــف هــم قــــلـــبــي لا تــزيـــده .. ]]]]
شف غيابك وش مسوى بالصدور وبالمباني ..
وأنت تدري كيف كانت صدمة غيابك شديدة ..
والله انك لو وصلت البيت متأخر ثواني ..
ماتشوف الا بقايا من حصاه ومن حديده ..
وســـــــلامـــــتــــــــكـــــم
مواقع النشر (المفضلة)