[poem=font="Simplified Arabic,4,firebrick,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
انا ربتني الدنيا على جزل العطا والجود = ونفسي للوفا والطيب وفعل الخير جزامه
واعارض منهج الهابط ووافق للصعود صعود=واسيًر نفسي بعقلي مدام النفس هدامه
ولاتثربي البسمه ولا كحل العيون السود =ولايقوى على قلبي صغير الجسد واجسامه
ارد الجود بامثاله واقابل بالجحود جحود = وترى لاخير في حب (ن) يوطي للردى هامه
وعندي مع هل العليا مواثيق وثلاث عهود= اوفي له مطاليبه واوده وارفع اعلامه
اعايش مركب الدنيا على متن القدر مولود = ابعرف هو صحيح ان القدر بالناس دوامه
ومن وين الزمن مقبل والى وين الليالي تقود= ومن في ذا الزمن يقدر يوجه خطوة اقدامه
ومن له بالزمن غايه ومن عنده هدف منشود= ومن منا قدر يعرف خفايا مقبل ايامه
عرفت ان الشقا باقي عرفت ان الحسد موجود=عرفت ان القدر يفرض علينا بسؤا احكامه
لقينا بالعرب حساد وشفنا بالعرب محسود= وبه ناس (ن) لنا ضامت وبه بالناس منضامه
وينقص بعضنا خوه وينقصنا وفا ووعود = مدام ان الحسد باقي وبعض الناس نمامه
واقابل خطوه بخطوه واجازي بالصدود صدود= تناسى غلطة الصاحب عليك بلحظة خصامه
ولاتخطي ترى للصبر الحليم اليا سلاك حدود= تروى واعرف بضرب الحديد تفكك لحامه
تجنب كسرة الخاطر ولو حبل الزعل مشدود = تراك بكسرة الخاطر حكمت القلب باعدامه
نبي نصبر على الدنيا قلوب بالحياه زهود =مدام ان البخت عيت توفق رمعة اسهامه
انا ماقلتها راجي ولا اطلب بعدها مردود= ولكن الفتى وده يحقق جملة احلامه
وبمشي لاخر الدنيا ولو كل الأنام قعود = وعن وجه الزمن بكشف حقيقه وارفع لثامه
صحيح اني صغير السن ولكن قدها وقدود= وانا عندي مع الدنيا مواقف ترفع الهامه
طموحي يملأ العالم ولابه للطموح قيود = مدام ان الامل طبعي عرين وصرت ضرغامه
خلقنا الله من ترابه ولاحضان التراب نعود=تحت رمل الثرى نبقى تغطي جسمنا خامه
سلفنا مالحقناهم تحت قاع التراب رقود = ولايبقى من الميت سوى ذكراه وعظامه
ولو طال العمر فاني وترى عمر الفتى محدود= وكل(ن) يطلب المولى يبيحه يحسن ختامه[/poem]
هذه القصيده احفضها ولكن لااعرف قائلها وهي هديه لكل من قرئها باحساس صادق
وقلب مفتوح لانها نابعه من القلب الى القلب
مواقع النشر (المفضلة)