--------------------------------------------------------------------------------
[poem=font="Simplified Arabic,6,white,bold,normal" bkcolor="firebrick" bkimage="" border="none,4,gray" type=2 line=0 align=center use=ex num="0,black"]
يقول من ضاق جاشه واختلف جوّه=في عتمتةٍ ساق رجله في معاليها
الشعر لامن حضر ماخذه تلهوّه=أنقى الجزيلات وحروفه أوفيها
أرض الشعر قاحله والغيم بعلوّه=وليا أستهلت غدت خضرٍ فيافيها
مجمول ياهاجسٍ ماقد كذب نوّه=ماهو جهام السحايب والرعد فيها
كن الشوارد ضوامي جات بالقوّه=والمنهل العذب يسقيها ويرويها
أحدٍ ينومسك منطوقه ليا نوّه=واحدٍ هروجه هزيله ما ادانيها
أني لمن لابةٍ ماتنكر الخوّه=كظّامة الغيظ والقدره بياديها
أتعب على المرجله بالطيب وعنوّه=وسعى لها دوم والرجلين مدميها
من لانظر للعلا قنعان بدنوّه=وللي صعد لطويله عاف دانيها
واللي هقيت ابه ثمٍ بان لي سُوّه=الامر سيّان لو الطيب قافيها
لو تلبس الخام ولا تلبس اموّه=ترى الخوافي لها ربٍ يعرّيها
اليا تهدم بويتك عود وطوّه=والعذر في ديرةٍ زانة بواديها
ماني رفيقك أبد لاماني ابهوّه=النفس عن رفقة الانذال يغنيها
الموت ماهو خروج الروح من جوّه=الموت لا خالفت نفسي مباديها
هذي (دنيّه) توالي وقتها يتوّه=فيها الاوادم بدت تعبد مشاهيها
والرجل ماعاد له غيره ولا مروّه=وارعيّته تسرح وتمرح براعيها
والناس مابين ياليته ويالوّه=نقض العزايم بها سبحان باريها
وابالحصيني بها مقدام وفتوّه=والذيب يمرح ليالي جايعٍ فيها
والحر عقب الفضا والطلع متشوّه=طير الرخم ذاع صيته في ضواحيها
عوذاه من دنيةٍ ماهي بمحلوّه=في عين من هو عرف هي ويش تاليها
ول ياحمامٍ توالي الليل وهدوّه=وآنا مع النفس في خلوه واناجيها
يشدو بالالحان وآنا اشقاني اشدوّه=طرّى عليّه ليالي عز واليها
المهره اللي طغاها الحسن وسموّه=مركاضها بالحشا تقدح مواريها
بنت الذي مايحسّب شاعم ٍ ضوّه=وجدودها فالوغى تكعم معاديها
احبها حيل من يوم انها افلوّه=كبرت وهي .. الغلا محدٍ يباريها[/poem]
مواقع النشر (المفضلة)