آه من قلبٍ مـن اللوعـه يـذوب
مـن زمـانٍ كـل يـومٍ يكتـرب
اوجس بقلبي لواهيـب وشبـوب
شبوب نارٍ بيـن ألبـان وصـرب
يكفـي ياقلبـي تنهّـات ولغـوب
ليمتـى وانتـه مهاجـر مغتـرب
ليمتـى تلعبـك انسـام الهبـوب
في سباسيـب البـوادي تسطـرب
ليمتى ياقلـب كاسيـك الشحـوب
إصـدع الأيـام والحـظ يقتـرب
واذكـر الله فالصبـاح وفالغـروب
إتّكـل بالله وبـالـك تضـطـرب
ماقـلاك الله يالقلـب العـطـوب
لاولا ودّعـك يـوم كـلٍ هــرب
واسفه الشيطان والخـل اللعـوب
لوكلامـه ذوق ومنطـوقـه ذرب
راعـي الغـدرات ماظنّـه يتـوب
والمثـل قـال الحنـش ماينقـرب
وإنصت لمروي القواضب فالكروب
إنحناله (( عمرو بن مَعدي كَرب ))
من هوازن شاعرٌ خاض العبـوب
جيلبـوت ايجـوب وينـول الأرب
كاسرٌ صـلاّل بأوقـات الحـروب
بالفخر والعـز صمصامـه شـرب
كالهزبر بساحة الهوجـاء يجـوب
يوم ولـد الـلاش بالرفّـه يـرب
يستهيض اللي تواحنـي طـروب
منسجم يومـي براسـه منطـرب
إيه ياقلب العنـى بسّـك هـروب
لوهمومك فوج واحزانـك سـرب
لوغشاك الليل ياسهيـل الجنـوب
بينجلي ويزول كـل عبـلْ وزرب
إتّـكـل بالله عــلاّم الغـيـوب
والوضع بيزين لوشـان وخـرب
وإدحـر اللمّـاز همّـاز العيـوب
(( كلاّ لاتطعه واسجد واقتـرب ))
مواقع النشر (المفضلة)