[align=center]مابي محبه عطرهـا غـدر فـواح
مادام سامي الحـب حـان انهيـاره
بعض البشر هالوقت خاين وذبـاح
حبـه رخيـصٍ مبـدأه فـي زراره
وحب الشرف في عينهم بارقـه لاح
لكـن خسـاره عشقهـم للخسـاره
فيما مضى حب البشر فوقه وشـاح
واليوم عاري الحب رمز الشطـاره
ماهي غشامه معهم الفكـر مفتـاح
لكن مسٌخـر فـي امـور الحقـاره
ويا اللي من الجنسين بالمعصيه طاح
ودي ترٌفـع عـن امـور القـذاره
ترا الشهم يذبح لضيفـه ولـو راح
ومن داس دار الناس داسو ديـاره
وانتى على واحد يجي وواحـدٍ راح
فعـلٍ ردي ماينتمـي للحـضـاره
حب الردا مظلم صواديفـه جـراح
قتل المشاعـر ميزتـه واختصـاره
ودي نحب الحـب والهـم ينـزاح
وكلٍ يجي لـه مـن ينـور مـداره
وانا بحب الحب واعيـش مرتـاح
والله يصبـر قلـب طـال انتظـاره
شمــــس وقمــــر[/align]
مواقع النشر (المفضلة)