[align=center][poem=font="Simplified Arabic,4,black,bold,normal" bkcolor="transparent" bkimage="" border="double,4,darkblue" type=1 line=0 align=center use=ex num="0,black"]
وين العزا يوجد علـى يـأس فرقـاك=يـوم ان يأسـك قـام يغلـب رجاكـا
وقامت شوي شـوي تبعـد مطايـاك=حـزم ٍ نبـأ دونـك وحـزم ٍ وراكـا
وهبت ريـاح ٍعجهـا دمـدم خطـاك=لين إنمحت برضي مواطـي خطاكـا
وتعسـرت شوفتـك مانـي بـويـاك=عسـر هنـا شوفـك وعسـرٍ هناكـا
وعز الله إني بالتلاقـي معـك شـاك=ونجمي بـدأ ضـوه يغـور بسماكـا
أنساك لاماانساك ماانسـاك ماانسـاك=الله يشفـي مـن عـرفـك ونسـاكـا
بليتنـي فــي حـبـك الله يـبـلاك=من شـأن نصبـح بالمحبـة شراكـا
ومنك أنت ماجاني منك غيـر ماجـاك=لكـن خديـن النـذل جانـي وجاكـا
والموقف اللي غيبة الشمس ماارضاك=وأبكـاك وأحرقنـي ونبـة هـذاكـا
فرقتنـا مـن غيـر قصـد بسوايـاك=والعيـد جبـتـه فيـنـا الله هـداكـا
وأقفيت من عندك وأنـا كنـي إمعـاك=وكل سحب نفسـة بصمـت ونواكـا
وعلي تخطي لكـن أدمـح خطايـاك=وتزعل وترضى من خـلاك بخلاكـا
وأنا أبخصك وأبخص خوافيك وأقصاك=وهـذا الكفيـل اللـي تكفـل غلاكـا
وبعدي عنك يازيـن مدركنـي إدراك=ولقيت عـذر وجيـت لجلـك نراكـا
جيت بذكاء مااذكاك مااذكاك مااذكـاك=ياللـي عليـك الاذكـيـاء ماتـذاكـا
مااجملك يالغالـي بعينـي ومأاحـلاك=أنت الغـلا وأنـت الحـلا والملاكـا
غير الجمال اللـي ذبحنـي وغـوّاك=عفيـفـةٍ نفـسـك وحـلـوٍ نبـاكـا
ودنيـاي شالتنـي وشالتـك دنـيـاك=عقـب السوالـف والدلـع والمراكـا
ولاهـي بعينـي شـئ دنيـاً بلايـاك=الله يقطعـهـا! ويسـعـد مـسـاكـا
ومسمـوم حبـك ياحبيبـي وفـتـاك=وكـل المشاعـر دبّ فيهـن هواكـا
مع القمر والريـح وأسـوار وأفـلاك=أنـا وهـن قمنـا نــدور برجـاكـا
وفي كل حين يمرني طيـف ذكـراك=وأجنح معـه عبـر الخيـال ومعاكـا
ولايصـوّرك طيفـك علـى ماتمنـاك=وفي طيفك أشياء ماحيـه مـن بطاكـا
تلوح لـي صورتـك بالطيـف منـاك=وعنـي تلـوذ بسـرعـةٍ وارتبـاكـا
ويكفخ عليك القلـب والنفـس تبغـاك=ونفسي وأنا والقلـب فيـك إنتشكاكـا
وتشتـاق ياالغالـي عيونـي لرؤيـاك=ولـو ماعليهـا أمـون يمكـن تباكـا
مالك عوض عنـدي ولامنـك فكـاك=مايفكنـي مــن حـبـك الا لقـاكـا
والكبد مايروي ضماهـا سـوى مـاك=ولامـن ضمـاك ولاهـواك إنفكاكـا
ولو كل عمري ضاع ماادركت لاماك=أنـا وعمـري كلنـا مــن فـداكـا [/poem]
عبد الله بن باتل [/align]
مواقع النشر (المفضلة)