السلام عليكم ورحمة الله وبركاته
السلام عليكم ورحمة الله وبركاته
غباء يلبس الذكاء .. و استقامه تعاني من
الانحاء و لكن هناك شك .. يسأل
عن اليقين .. و حروف تنتظر
القراءه .. و قراءه
تتمنى الاعجاب
هالقصيده .. فـ ادميه .. اسمها ( جدا غبائـي )
ادميه .. كنت انا احسب ان ذكائـي مـن غباهـا
ادميـه جـات عالـم خافـقـي الفوضـوائـي
و رتبتنـي رتبتنـي ورجعتـنـي لفوضـواهـا
ادميـه كنـت اول يـوم انـا فــي الابتـدائـي
اشعر بشي .. استلـذه .. مبتدينـي مـا ابتداهـا
شي يجعلني اهذري .. و اكتب اشيا فـي خفائـي
و لا تضايقت اتصبر( حجتي ) كـل شـي خفاهـا
ادميـه كـم تعلـم .. مـن تصرفهـا النسائـي
قلبي اللـي كـان وده .. كـان وده لـو نساهـا
علمتني .. كل حاجه و أبتـدت بألفـي (ليائـي)
وان الفي .. هو الفها .. و ان يائـي هـو ياهـا
ادميه علمتنـي كيـف مـا اظمـا يـوم مائـي
و علمتني كيف انا اظمـا دايـم و احتـاج ماهـا
علمتني .. كيف انا اكسر عزتـي فـي كبريائـي
و كيف انا اتعلـم مبـادئ و ابجديـة كبريااااهـا
علمتني كيف اخلـي .. اخـر اشيائـي رضائـي
و علمتني .. بان اول شـي ادورلـه رضاهـا .
علمتني .. كيـف اعطّـش بالغبـا وردة ذكائـي
و علمت فيني غبائي كيف يـروى مـن ذكاهـا
و في عيوني كيف انا ارسم ضحكي بلحظة بكائي
و كيف افهم دون ما اسأل صمتها يعني بكاهـا
لين صرت اشرب غلاها .. و عشقها هو محتوائي
عشق كنت اكثير اردد يااااه لـو هـو محتواهـا
و صار مابه فرق اشوفه بين صبحي او مسائـي
دامني عايش معاها صبحها .. و ايضـاا مساهـا
ماليه ارجاء نفسي .. فوق ارضي فـي فضائـي
و حتى حتى افلاك فكـري مـا تبـي الا فضاهـا
اعترتني .. جد صارت .. داخلـي كنهـا هوائـي
و صرت اصلا ما اتنفس .. م الهـوى الا هواهـا
اثبتت لي فـي النهايـه ان ذكائـي هـو غبائـي
في البدايه من ذكاها حسستني .. فـي غباهـا .
ودمــت ســــالمــــين
اتمنــــى ان تعجبـــكم ... ؟؟
مواقع النشر (المفضلة)