اللي لفـا بالطيـب .. يستاهـل الطيـب 000 واللـي عنا للنـاس ماهـوب خايـب
http://nuclearwarinusa.com/story.html
[align=center]بسم الله الرحمن الرحيم
السلام عليكم ورحمة الله وبركاته
أعتذر أعزائي أعضاء هذا المنتدى الرّائِع
على غيابي الذي ليسَ بيدي حيلة ٍ به
فـ ربّما كانت الظروف قد أبعدتني عنكم .. قليلاً
..
أستبيحكم العذر بـ هذهِ المتواضعه التي اتمنّى أن تنال بضعاً من إستحسانكم ورضاكم
..
لن أطيل عليكم
,,
[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
اللي لفا بالطيـب .. يستاهـل الطيـب=واللـي عنـا للنـاس ماهـو بخايـب
***
خوذوا نصيحة شخص خاض التجاريب=من دورة الآيّـام شـاف .. العجايـب
***
خوذوا كلامي وافهمـوا دون ترتيـب=من راس شاعر واعرفوا ويش جايـب
***
ياللـي تبـي عِلمـي تراهـا مكاتيـب=مـن دمّ قلبـي .. سطّرتهـا كرايـب
***
الخـوّه اللـي مـا تجيـب العذاريـب=لِك رفعة ٍ فيها .. عن الغيـر صايـب
***
والمجلس الموزون .. طيب ومواجيـب=دوّر علـى جالـه .. مكـان وحبايـب
***
واللي لفا بالعيـب مـا ينوتـي بعيـب=خلّه يهذري مـع هبـوب .. الهبايـب
***
يا جاهل ٍ بالقول .. إنْصـا التضاريـب=وخلّك على ما قيل .. راعـي نشايـب
***
متخالط ٍ مع كـلّ عُـود .. ومحاديـب=وإرسم رفيقك لك .. حاضِر .. وغايب
***
لاتنظر اللـي مـن يجيـب المكاسيـب=دام الخساير .. في غيابـك ضرايـب
***
كل ٍ يطيّـب لـك كلامـه .. وبالغيـب=ياتيك صالـي .. مـن رزوم اللهايـب
***
ولاتامن اللـي ياخـذ القـول ويجيـب=وسْط المجالس .. بالحكـي والغرايـب
***
خلّك على ( المابين ) بيـن التغاريـب=لا تندفـع للّـي .. يقـود الرّحـايـب
***
دوّر على من جيّتـك لـه .. مراكيـب=قوم ٍ ( معدّين ) .. القرايا .. قرايـب
***
ودوّر على من جرحك ابشوفه يطيـب=رجل ٍ من الخفـاق .. ماهـو بطايـب
***
ودوّر عن اللي راسه افبعـدك يشيـب=اللّي يشوف الضّحك منّـك .. طرايـب
***
ودوّر عن اللي لا بغيته .. كما الذيـب=ينصاك لو دونه .. رجوم .. ومصايب
***
ماهو من اللي يسمع الصّـوت ويغيـب=العِلم يجمـد .. لا لفتْـك .. النوايـب
***
ياصاحبي .. وإن كان قولي بلا ريـب=خذها نصيحه .. من عميد .. الكتايـب
***
اللي لفـا بالطيـب يستاهـل الطيـب=واللي عنا .. ماهو .. بلا شك عايـب
***
مير الحقيقه .. تختلف .. بالتجاريـب=دنيا رديّه .. ( تودِع ) .. الرّاس شايب [/poem]
.
.
.
,,,
إحترامي / تقديريْ[/align].
رد مع اقتباس
مواقع النشر (المفضلة)