وفيت لكن في زمان الدراويش
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
تتحاذف جروحك وانآ اطقّ تطنيش=وأصدّ عنها واعتبرها دعابه
وشيفك تمده لي كفوفن مناقيش=واقول يالبّى طعون الخضابه !!
غلاك حوشته مع الوقت تحويش=وقيـّدت حفظي للغلا بالكتابه
جتك المشاعر جيش يااميرة الجيش=وبعض الجيوش احيان ماينغزا به
والما معك واحلام قلبي معاطيش=والما معك متلذذه بإنسكابه
مشكلتي اني كل ماقلت لك: ليش ؟!!=تمشين وانتظرك بليـّا إجابه !!
ياساكنه حي الجفا / شارع الطيش=ضاقت بتفكيرك وجوه الرحابه
وعايش بك أو دونك أبشرك بآعيش=والحالتين بحد عيني تشابه
ودام الطيور استنكرت نعمة الريش=تحتار مابين الثرا والسحابه
وفيت لكن في زمان الدراويش=صحيح وافين المحبه غلابه !!
بعض الوفا بالحب يروي المعاطيش=وبعض الوفا احيان ضيم وكأآآآبه
وياقلب لاتحزن .. وتحزن على ايش؟؟=دايم نهايات المحبه تشابه !![/poem]
رد مع اقتباس
مواقع النشر (المفضلة)