[poem=font="Simplified Arabic,5,white,normal,normal" bkcolor="purple" bkimage="backgrounds/10.gif" border="ridge,4,limegreen" type=1 line=0 align=center use=sp num="0,black"]
يابـوي جعلـك للبقـا والمكاسـيـب =عمري بدونك يالذ ّرا ويش أبـي بـه
يابوي تسأل عـن شفـاك المراقيـب= طلعـة سواتـك للنّوايـف غريـبـه
ليه المرض مايعرف الزّين والعيـب ؟= مايـدري انـك للمخاليـق هيـبـه !!
أبسألك وش به غزا وجهـك الشيـب=والقلـب لايـع والنواظـر شحيـبـه
وش بك تحاتي لانوى الموت تغريـب= تخشـى علينـا بالليّـالـي الكئيـبـه
خذ دلّتك واركى على مسنـد الجيـب =وعطني شماغك بلثمـه وأحتمـي بـه
ونروّح لأرض ٍ بها العشب والطيـب=وتسمـع كـلام ٍ يالغـلا تحتفـي بـه
يابـوي بنتـك لاانحكـى بالتّجاريـب= كـل ٍ يشـق لهيبـه الصّيـت جيبـه
يابوي ماني مـن سـوات المخاريـب= اللّـي تجيـب لعليَـة القـوم خيـبـه
وماني من اللّي لامشت حفّها الرّيـب= أنـا مـن اللّـي مايـدنّـس حليـبـه
مرفوع شاني عـن غـرام المكاتيـب= وأكبر من انّنـي أرتضـي بالحبيبـه
أنـا غرامـي لاابتـدوا بالتّراحـيـب= نفوس الأوادم فـي وجـودي رحيبـه
وان كـان زينـي فتنـة ٍ للمصاويـب =أحـط وجهـي بالحريـق ولهيـبـه
زيني أبيعه وأشتري سمعـه الطّيـب =اسم ٍ ينومس بالصّـروح الـذ ّهيبـه
وان كان عندي ( بالحلا) شي ٍ اصعيب= عنـدي جـدود ٍ مارضـت بالغليبـه
دموع القبايـل فـي لقانـا مساكيـب= كـن المقابـر لاحضـرنـا قريـبـه
خضّبت لك كفّي من العـز تخضيـب =ورفعـت راسـي للنّجـوم الصّعيبـه
والله لأسـدّك بالفعـول المصالـيـب=والله لأشيلـك بالرخـا والمصيـبـه
طلع المعالـي ماانحكـم للشّواريـب= بنت ٍ وأناطـح فـارس القـوم طيبـه
وياشيخي إبشـر لوتـدور الدّواليـب =بنتك إلا منّه عـوى الذّيـب ( ذيبـه) [/poem]
وســلامــتــكــمـ.....
مواقع النشر (المفضلة)