قــــافــــــي يـــعــــزيـــنــــــــــــي

[فرسان البحرين]

[align=center]السلام عليكم

شخباركم

شعلومكم

ربكم ما تشكون

حبيت اصافحكم

بقصيده رثائيه

الى جدتي العزيزه

واتمنى تنال رضاكم

:::::::::::::::::::::::::::

[align=center]انا بين الزهر زهره وكل أوراقها جمره

انا بين الدمع دمعه تعاندني ولا أنساها



تواسيني تسهّرني وهي في عيني القمره

ودوم أفكاري تاخذني لها في ليل ذكراها



وأمشي والطريق اغيوم تنزف مطرةٍ مطره

وأمّي غيمةٍ تنزل من أحلامي لمثواها



بكيت الدنيا وعيوني غدت دنيا لها مره

الين القا أنا الدنيا فرح يجمعني ويّاها



بكل غمضه تجيني شايله كل العمر زهره

تصافحني ويحضني صدرها كيف أنا أنساها



تطمني وتجبر خاطري المكسور في عمره

تسددني لدرب الخير تعلمني وصاياها



تذكرني بكل الحب اللي جاني بعطره

يا حبٍ وين أنا ألقاك إذا تناسيت لقياها



ولا في حد بالدنيا مثلها طيّب العشره

مثل أم البنين أربع بنينٍ صاروا سلواها



ولا عمر الندم ينفع ولا كل البكا يشره

يا غافل اذكر الرحمن عشان يطيب ذكراها



اشوف ان البشر تتعنا تبغي توصل القمره

وانا القمره تحت عيني تبي ترقا لمرآها



تشكلّي الوهم دربٍ وانا تخنقني العبره

وصار الوهم وجه أمي وهي للدنيا معناها



أنا ما جيت أعزي بالحروف و قافي وسطره

أنا قافي يعزيني ويبكيني لفرقاها


.[/align]

:::::::::::::::::::::::::::

وسلامتكم

كلمات : فرسان

ودمتم سالمين[/align]

[الحوراء بنت نجد]

فرسان البحرين

رحم الله جدتك-- واموات المسلمين--

من الرائع ان نستطيع التعبير عن مشاعرنا بكلمات

تلامس ذائقة المتصفح--

صح لسانك-- هلابك--

[عميق الجرح]

مرثيــه رائعه

ومصافه نتشرف بها ونتمنى استمراكـ معنا لنرى ابداعاتكـ

صح الله لسانكـ ملاااااااااااااااين ورحم الله جدتكـ واسكنها فسيح جناته


تحيــــــــــاتي لكـ

عميق الجرح

[احساسي صادق]

رحم الله الفقيده واسكنها فسيح جناته

ورحم الله جميع موتى المسلمين وتغمدهم بواسع رحمته

والله يطول في عمرك وعمر الجميع ..

صح لسانك .. حضور جميل وكلمات رائعه

يعطيك العافيه ... تقبل مروري

دمت بكل خير