هنااا فالح الدهمان
السلام عليكم ورحمة الله وبركاته
هنااا الرائع بكل ما تعني الكلمة (فالح الدهمان ) شاعر من الطراز الاول له إسلوبه الجميل ووصفه الاجمل
أترككم مع قصائدة
(خوي الذيب)
[poem=font="Simplified Arabic,5,indigo,bold,normal" bkcolor="transparent" bkimage="" border="solid,4,black" type=2 line=0 align=center use=ex num="0,black"]
ارفـع هامتـك وارقـا علـى هامـة مغاليبـك=توطا مـن توطـا شيمتـك وانـزل مضاربهـا
عربنا ماكتفـت منـك ومـن طيبـك وتعذيبـك=تسخـرت وتمسـخـرت لهـواهـا ولمطالبـهـا
زمانك فات عمرك فات غريب الـذات وفجيبـك=ثمن نفسك ثمن لمسـك وشمسـك فـي مغاربهـا
حياتـك كـل لـذاتـك تماكنـهـا فمخاليـبـك=قبل تطعن بهـا اطعـن تعقـرب مـع عقاربهـا
تـرا لـو ماشربـت المابكفـك مـن مشاريبـك=فلاتتنـا كفـوف النـاس تجلـب لـك مشاربهـا
زمان الخيل والبـارود طربـت وزان تطريبـك=ديارك من فضا ونـارك غضاودنيـاك كاسبهـا
بليـا حـدود بليـا قيود وصلـت أبعـد مطاليبـك=ضربت الارض طول وعرض نزلت أعلى مناكبها
عزيزٍ شامخٍ منصوب علـى قمـة مكاسيبـك=ولاداسـوك باقـدام المهانـه ولارضيـت ابهـا
أراك اليوم مسلـوب الكرامـه بيـن اصاحيبـك=ضعيف الحال ماتقـوى علـى الدنيـا وطلايبهـا
فلالك رأي ولاكلمـه ولاحـدٍ بـه ينـادي بـك=عقب ماكانت الدعـوه قصيـده وأنت صاحبهـا
الا ياصـاح ياذيـب العـرب ياطـول تغريبـك=مـع وقتـن علـى مثلـك تعـاوت بـه ثعالبهـا
تبي ذيك السنين اللي صداهـا دوم يطـري بـك=تمناهـا عقـب ماقفـت بهـا عنـك ركايبـهـا
شف الأيام وش سوت على مجدك عقـب شيبـك=عناكبهـا علـى مجـدك بنـت مجـد لعناكبهـا
ولاتعجـب مـن الدنيـا اذا خـانـت اساليـبـك=تـرا الدنيـا لعوبـن والخيانـه في ملاعبـهـا
تجـي مـره تغنابـك مثـل بنـتـن تغنـي بـك=ومراتـن عجـوزٍ بالسـواد اتصيـح شايبـهـا
بهـا نفسـك بهـا مستقبلـك وايامـك وغيبـك=ولاتدري وش اللـي خبتـه لـك فـي غياهبهـا
والا منـك سألتـه وش وراغـابـة اكاذيـبـك؟=تواعدك ويميـن ابليـس تمسـح بـه شواربهـا
لعوبن هي كذوبن هي واهلهـا صـوت تكذيبـك=بهـم شالـت أمانيـك وخذتهـم فـى مراكبـهـا
تمنـا ياخـوي الذيـب تمنـا وان عـوا ذيبـك=تـرا عنـك الامانـي كـم بعيداتـن مقاضبهـا
[/poem]
(الى روح الشهيد خطاب)
[poem=font="Simplified Arabic,5,black,bold,normal" bkcolor="transparent" bkimage="" border="solid,4,black" type=1 line=0 align=center use=ex num="0,black"]
كثير من حاول الدنيا ولاأدرك=غير الشقا وانتهت به فى مهالكها
ترا حياتك على نقصانها أبرك=من غاية(ن) بالتمني مانت مدركها
اقنع بها واغتنمها والصبر صبرك=تعيش عيشةغنى (ن) غى ممالكها
كذا نصحنى امام وقلت له أمرك=رغم ان نفسى كلام الشيخ يضحكها
هى ناقتى لو لها فى ارضها مبرك=نوختها مير ماتلقى مباركها
والله لاضرب عليها كل ماحرك=وجدى طموحى الين البعد يهلكها
ياشيخ مابغا يجى عمرى مثل عمرك=علامة(ن)ماتدير الا مساوكها
وحش(ن)أنا لاتبرقعني على وكرك=شفى أبيع الشهاده روح واملكها
أشوف لابرها برك ولابحرك=ولاهواها هواك ولامسالكها
وش ينفعك ان عطيت خيولها ظهرك=مادام مالك مفر(ن)من سنابكها
تبّيتها من حياة(ن)مايجي قدرك=نجم(ن)ونفسك عليها ماتصعلكها
وان كان ماسرتك دنياك ماضرك=موت(ن) به الروح تلقى روح مالكها[/poem]
(مدن صالح)
[poem=font="Simplified Arabic,5,black,bold,normal" bkcolor="transparent" bkimage="" border="solid,4,gray" type=2 line=0 align=center use=ex num="0,black"]
حزنت البارحه لما تعديتك بمسفاري=على بعد المسافه من هنا للساحل البحري
وكانت صورتك ثمة خيال(ن) بين أفكاري=تعيد بروح مشتاق الوطن احساسه الفطري
وكنت مأمل(ن) نفسى,وكنت أشعلت سيجاري=وكنت بهدهدات الشوق مغلوب(ن)على أمري
يمدالليل صيفى(ن) شجى الحس جيثاري=تهز أوتاره النسمات من عمرى الى عمري
تسربلته وسربلنى وحيد(ن)مالى مباري=سوى نجم(ن) معى فى كل وجهات السفر يجرى
محطه فى يمينى قرية(ن) خليت بيساري=على خط(ن) تصاعد بى مداه بمشهد(ن) سحرى
أحس الأرض مسدول(ن)جناحى فوقها ساري=كأني من حمامات البرارى أو قطا كدرى
هميم(ن) موتري يونس وجودي فيه ويداري=مطبات الطريق وخاطرى من دون لاأدرى
أقلب فيه اذاعات العواصم طول مشواري=هناصنعا00هنا مسقط00هنا00ثم اقفله واسري
اذا صوت المغنى مايجي من يمة دياري=فلا أطرب ولااشتاق ومايرتاح له صدري
وماغنيت الا غنوة(ن) تستخلص أشعاري=أصير ان مسّنى وجدى لخلانى بها قمري
مضى عهد(ن) طويل وهذا انا تحملنى أقداري=مثل ماتحمل الريح البعيده حومة النسري
سفر أضرب دروبه حيث رزقي بايع(ن) شاري=بروح الحالم التواق والاحلام بي تغرى
نزلت أرض(ن) مثل أرضى بدار(ن) تشبه لداري=بقوم(ن) اقرب لقومي بفكر(ن) ينتقض فكرى
مدينه من مدن صالح بها خليت آثاري=تدل أنى وريث الناس في عصر(ن) مهو عصري
عرضت بضاعتي فيها بوجه الريح للذاري=حطب0ارطا0سمر0لللله ياهل النار من يشرى
وتذوى في مدى طول انتظارى بهجة أزهاري=متى مرت عيون العابرين أحيان تستقري
وكم علقت ايام الشتا باطرافها ناري=أراعي للنجوم النازحه بالبعد من خدري
تمر بخيمتي نسمة جفا وتحرك أوتاري=وتعزف بي جزن0مدرى شجن مدري بكا0مدري
بكيت لسدرة البيت الصغير بكل أسفاري=لصوت أمي,لعشقي,للحمام لزرقة الفجرى
أنا مهجور الا من حنين(ن) يسبر أغواري=عليه أستقبل أطياف الاحبه كل ما يطري
تولا كل محبوب(ن) لنفسي يفهم أسراري=وذا قلبي غدا دفتر قصيد ومدمعي حبري
حزنت البارحه وانتي تعديتك بمسفاري=ولابد الطريق يجيبني لك يوم وانتظري[/poem]
( واحد البعد )
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
واحد البعد مهما صحت لي بالرحيل =.يا قطار الطريق المقفي المقبلي
..انتظاري وصبري واشتياقي طويل=.وانت صوتك يجي من عمري الأولي
..لاتثير المفارق فالوصل مستحيل=غاية الروح ياذا وجهتن تشملي
..هبهب الصيف والجدي احسب انه سهيل=لاح لي في محاجر ناقتي وجملي
..حولي الارض سبخا والمدى ارخبيل=نسمته لو اجر أنفاسها مقتلي
..لانسيمه نسيم ولا نخيله نخيل =.ولا ظلاله ظليل ولا أنا به خلي
..أتأمل غروب الشمس عند الاصيل=واتذكر مشارقها على منزلي
..من ايخبر اذا دج الدجابي هديل=ان روحي علي أغصانها تهدلي
..وان قلبي وكبدي وان عودي نحيل=وان عيني ودمعي وان حزني جلي
..واني اكتب ويأتي كل شعري جميل=ويتهول جليسي منه واتهوّلي
..ان نظرت لقصيدي شفت ماله مثيل=وان تأملت وجهي قلت ما أجملي
يالهذا الاديب المبدع المستخيل=قالها واشهد أنى عاشقن مبتلي
..ذا هو العشق يا عمى وانا به قتيل=راعني واحمد الله واساله وادع لي
..ارهف الحب وجداني تركني عليل =علته بي مع الأيام تستفحلي
..كل مانجمتن او بارقن في مخيل=او قمر او سحابه طيفها لاح لي
..أمّلتني بليل وهمّلتني بليل=ألا يا ليل يا منفاي يامعزلي
..وحشتي فى ظلامك ليت شعري يزيل=بعض وجدي إذا غنيت أو تنجلي
..استدليت فى عقلي وضاع الدليل=يوم رحت انشد الاوطان واستبدلي
..لاتدوّر عن بلادك وربعك بديل =لو تعيش العمر في غير ما تأملي
..ولاتكابر عزيز ولاتذل لذليل=ولا تخاوى رديين الشرف تبتلي
..وان حداك الزمان وصرت رجلن دخيل=اي دارن تجيها ريفها ممحلي
..أفقر الارض أرضن به تشوف البخيل=أكرم الناس فيها مدتن واجزلي
..كل ماحاشت أيديني عليها قليل=.لو أقيسه بركضي واتعبي واعملي
..ياقطار وتمر وبي دواعي رحيل=مثل مابك ونارك نار بي تصطلي
..واحد البعد واحد والمنى يستحيل=أدركه وأدري أني ضاع مستقبلي
..يامهيّج شجوني كيف كيف السبيل=لي أهل لي حبيبه لي وطن لي ولي
..صيح يمكن بصوتك يلتفت لي خليل=أو على البعد مني يسمعونك هلي![/poem]
(شيمة الثعلبه)
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
عوّد سهيل يغري روحي المتعبه=للسفر والسفر ابعد من احبابها
والهوى من بلادي كيف مايجذبه=وهىي قطعة سحاب أدناة ماجابها
هاجرت مالقت ارض(ن) على كوكبه=تنبت الورده اللى أحمل اطيابها
بين طياتها لي ضامر(ن) عذبه=رغبة(ن) ما تموت إلا ويحيابها
الوطن جنة(ن) محمية(ن) معشبه=ياكثر ماسرح مثلي ورا بابها
له رميت العمر درب وغديت أتعبه=رحلة(ن) زرفل التزوال بركابها
درت ياما وشفت وكانت التجربه=ضيعة(ن) عجت الضيقات بشعابها
ليت وجدي نهايات المدى تذهبه=مع ضوا نجمة(ن) تستدني غيابها
عوّد سهيل والجنه نضج حبحبه=والشوارع بها من ريح حبحابها
ألتمس فى عيون البايعين أجوبه=للسؤال المحال الضال باهدابها
وش تبيعون ياهل الدمعه المسهبه=يافقارى بلاد الله واغرابها
مابهذا الدهر من مشرقه لمغربه=نخلة(ن) حرة(ن) ماهمت بترابها
سرت به طرت به وقعت به حرت به=والحياة الكريمه قلّت أسبابها
يجني الذيخ رزقه في مهز ذنبه=مار وش هزت الآساد فى غابها
كل حي(ن) خلقه الله على مرتبه=ومن لقا عيشة(ن) لابد يرضابها
وان بدا طيب(ب) فالطيب هو منسبه=لو تباهت عفون الناس بانسابها
كم ضحك جاهل(ن) من كلمة(ن) صحت به=له بكا شاعر(ن) مثلى وغنا بها
من زمان الشعر يكتبني واكتبه=والعرب قل عاربها وعرّابها
أنا أفصح كتاب بهذي المكتبه=ماقراني أديب(ن) يفهم آدابها
امتلت كل صفحات الفكر أتربه=مارجت من يقلبها ويقرابها
أرفض أكون فى جو الشعر أرنبه=حلّقت والثمن في مخلب عقابها
عشت حر(ن) على حرية(ن) اكسبه=من مواجع قيودي لا من أصحابها
وكل روح(ن) مثل روحي مهي مذنبه=كانها خالفت رب(ن) من أربابها
يثبت الشاعر العملاق في مرقبه=ان رفع شعلة الاحرار وكتابها
ومن رقا بالحياة بشيمة الثعلبه=تاااااافه(ن) لو لقا نفسه بمرقابها[/poem]
( يافرنسا )
[poem=font="Simplified Arabic,5,darkred,bold,normal" bkcolor="transparent" bkimage="" border="solid,4,gray" type=1 line=0 align=center use=ex num="0,black"]
الحفر.. يافرنسا يابلاد العطور=كان قبل السنين الاوليه نهر
جف ماه وتصحر واهجرته الطيور=وانقطع فى مضاميه الغنا والشجر
دبدبه مهمهيه فى سماها تدور=الجوارح وتلقى رزقها بالنظر
خيمتي..الصنادق من بعيد(ن) قبور=ماتوا الناس فيها بانتظار المطر
عمرها لو تقر نفوسهم بالقصور=العرب مالهم الا بيوت الشعر
وش تكون المدارس دون علم(ن)ونور=غير حوش(ن) لرعيان البقر والبقر
الثقافه معارف المعارف جسور=التقدم حضاره الحضاره بشر
الغنم لو تحس بنقص أهلها تثور=تبتدي بالعزيمه تنتهي بالظفر
وبمسارح شياهي عن جميع الامور=أنا أقصى طموحي تذكره للسفر
وانتي الحلم لما يعتريني شعور=فيه أشوفك سما زرقا وبنت وزهر
واحد بخيمتي أرجي طيوف(ن) تزور=من وطن من حبيبه ثم يغيب القمر
والنسايم نسايم صيف وقت السحور=والنجوم القديمه ذكريات وصور
شاعر أبقا وحيد(ن) فى غيابي حضور=لي على أكثر جفون السهارى أثر
منزلي منزل النجمه بليا غرور=معدني معدن الجوهر بليا فخر
عاهدتني حياتي بالشقا بالدبور=طول مانى على حسي أشد الوتر
يافرنسا أغني يافرنسا أثور=الاغاني أماني في دروب الغجر
بعت أرضي واباشري تذكره للعبور=غربتك والضياع ولاحياة الحفر[/poem]
(صلاة الذيب)
[poem=font="Simplified Arabic,5,black,bold,normal" bkcolor="transparent" bkimage="" border="solid,4,darkblue" type=1 line=0 align=center use=ex num="0,black"]
مابالمدى مايسلي مهجة الشاعر=بر(ن)00دجا00خيمتى00أحزان راعيها
يحف وجدى حشاش الروح ويساور=قلب(ن)رمته الامانى يوم يرميها
يابعد غنيت فى جيانك السامر=من طول مافارقت عينى محبيها
حبيت نجمة شمال بليلك الساحر=زمان كانوا أهلنا فى أراضيها
رحلت عنها صغير(ن) مانى بفاكر=منها سوى لحظة(ن) أيامها فيها
جف النهر والزمان الطيب الماطر=ولت طيوفه سرابات(ن) أراعيها
هو يقضي العمر في هالوادي الغابر=اللى قتل فرحة أمى بين أهاليها
باعبر حدود الجفا للمنبت الزاهر=واقطف لها وردة الاحلام واهديها
لامي بصدرى حنين(ن) خافي(ن) ظاهر=أقراه بعيونها لما أحاكيها
شابت وشاب الحشا والراس والناظر=منى ورا عيشة(ن) ضاقت مساعيها
أبنى من الحب آمال(ن)على باكر=واليا طرت عبرت التوديع أبكيها
مرثية(ن) مالها أول ولا آخر=سارت حياتي مسيري في لياليها
تقول نفسي إذا شاورتها غامر=على صحيح المبادي يامضريها
باكر يمرك قطار الموت وتسافر=لله مادامت الدنيا لهاليها
الناس مهما شريت لعينها خاطر=تاطا مزاياك لو حنيت رجليها
لاتلتهي في مديح الشيخ والتاجر=عن كلمة(ن) حرة(ن) تبقى معانيها
بضايع(ن) لوربحت بسوقها خاسر=ان ماكسبت الكرامه فى مراقيها
واقول حيك يشوف الذل ويكابر=باللي بقا من حياته عن مساويها
بامشي على منهجي بالمذهب الظافر=ان جت والا عسا الشيطان ياليها
وان قالوا الناس كافر ماني بكافر=لكن أشوف الخطا منها واعريها
أنا باصلي صلاة الذيب والكاسر=أما صلاة البقر ماني مصليها[/poem]
(إذا ماعشت بالدنيا سعودي)
[poem=font="Simplified Arabic,5,royalblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
بحبك ياوطن شديت عودي=مثل أول مثل آخر جدودي
لقيتك داخل الوجدان مني=مثار احساس نفسي في وجودي
هنا قلب" صدوق الحس عاشق=متى مانادته ليلاك نودي
تعلم من نخيلك كيف يحيا=بهامات الثريا للخلودي
ولك منه ولا عبد" لربه=تمثل في ركوعي في سجودي
قنعت بميّك العذب برغيفك=بشمعة خيمتي بمراح ذودي
وكل أم" عزيزه فيك أمي=وكل عود" كريم" عودي
ألا يا ذا الوطن أنت المفدا=تجود بمدتك أو ماتجودي
كفاني من جمايلك الكثيره=عزيز" وين مايسرح قعودي
وهذا موتري يجنح بليلك=مثل مايجنح الطير بصعودي
الا من ضاق صدري تتسع لي=فجوجك وادرك الرزق بورودي
سواحلها مداينها قراها=صحاريها حجرها والنفودي
دروب" حطّمت آمال نفسي=يالولا همة الفرت اليهودي
ينوش وماينوش الخط ويله=ويترك فى وطاه البيض سودي
هميم" يقطع البيد بهيامي=شريد" سار ماخوذ بشرودي
يحير بوجهته من يتّبعها=مسيره كان أفقي أو عمودي
وجنبه ماعليه الا صميلي=وصدره ما على سيته يكودي
تأملت الفضا منه وتجلا=مجر البعد وألهبني وجودي
وصحت وكنت فى أقصى جنوبك=لنجم" لاح بأطراف الحدودي
مقامك ناقص" مهما تعلا=إذا ماعشت بالدنيا سعودي[/poem]
(الخفافيشش)
[poem=font="Simplified Arabic,5,black,bold,normal" bkcolor="transparent" bkimage="" border="double,4,indigo" type=1 line=0 align=center use=ex num="0,black"]
لاتفرحـون بنـورهـا يالخفافـيـش=أشوفهـا حلـم(ن) بعيـد المنـاشـي
ستة قرون(ن) دونها مير لـو ايـش=بحسـاب هجـرى النبي والنجاشـي
جتنا سنة الفين وانتم علـى الريـش=نمتـوا منـام الممرحـه فالدشاشـي
ريضانكـم جدبـا واهلهـا معاطيـش=ابـل(ن) تعـوج ارقابهـا للنواشـي
بدروبكـم ماتـو ورا لقمـة العيـش=متـى تجـود نفوسكـم بالمعـاشـي؟
ارموا عبايات الذهب والبسـو خيـش=يامـن فرشتـوا للهوان الفـراشـي
ثارت عزوم الناس علم(ن) وتفتيـش=بالمبحره00بالطايره00بالـمـواشـي
وانتم مثل قمل(ن) بروس(ن) مشاويش=تناطـحـت ثيرانـهـا والكـبـاشـي
تسرى بكم من حيث ماهجسها نيـش=ولا درا حي(ن) بكـم ويـن ماشـي
لو تشتـرون نفوسكـم بالبخاشيـش=أشرف لكـم مـن بيعهـا بالبلاشـي![/poem]
(كوكب معيض)
[poem=font="Simplified Arabic,5,royalblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
غيّرنـي التجـوال يانقـوة البيـض=وماغيّـر فـوادى لواهيـب قيضـه
سنّيت عمـرى فـى ليال"دواحيـض=قرى00محطات"00خلا00تل00فيضه
تركض بي الأيام في (كوكب معيض) =بيـاع شـرا والمكاسـب بهيضـه
مثلي هميم"موتري كـل ماهيـض=بغناي جاوبني حنيـن" يهيضـه
كنه خذا منـى سيـاط" وترويـض=على الدروب الطايـلات العريضـه
مل السفر يومي أسنـه بتعريـض=لين استوى هرم" عزومـه خفيضـه
حلمه يريح من الشقـا والعواريـض=وأنا أبى كبد السما عـن حضيضـه
لي فى قصيات الغياهب نضانيـض=عندى أمـل منهـا دليلي وميضـه
يمر بي وجد" علـى يمتـك فيـض=والا الحفر عايـف شتـاه ومقيضـه
واد" ملـوه النـاس حسد"وتحريـض=فيه انقطـع نبـت الحيـاة ونفيضـه
ماني بمرهف للعتـب والتخاويـض=سمعي ومابغـى قولتـك ياغميضـه
أمس اجهشت أمى وصدت بتغميـض=ثم عاتبت حالـي وكانـت مريضـه
وش قيمتي؟لاصرت شاعر معاريض=أطرق سخا جود النفـوس البغيضـه
تكفخ بنفسي زومة الكبـر والغيـض=مكافـخ الحـر النـداوي بغيـضـه
حياتي حيـاة الطالبيـن النواهيـض=الصايمـات نفوسهـم بالفريـضـه
تفرقـت عشـق"ورزق ومراكيـض=أيامهـا باحـلامـى المستفيـضـه
هـذا زمـان التافهيـن الروابيـض=متماشـي" فيـه النقيـض ونقيضـه
وشعرى غريب"لو فهمتيـه بيفيـض=دمعك وجرحي تشعرين بجضيضـه[/poem]
(الساحل الشرقي )
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
حزنت البارحه لما تعديتك بمسفاري=على بعد المسافه من هنا للساحل البحري
وكانت صورتك ثمة خيال(ن) بين أفكاري=تعيد بروح مشتاق الوطن احساسه الفطري
وكنت مأمل(ن) نفسى,وكنت أشعلت سيجاري=وكنت بهدهدات الشوق مغلوب(ن)على أمري
يمدالليل صيفى(ن) شجى الحس جيثاري=تهز أوتاره النسمات من عمرى الى عمري
تسربلته وسربلنى وحيد(ن)مالى مباري=سوى نجم(ن) معى فى كل وجهات السفر يجرى
محطه فى يمينى قرية(ن) خليت بيساري=على خط(ن) تصاعد بى مداه بمشهد(ن) سحرى
أحس الأرض مسدول(ن)جناحى فوقها ساري=كأني من حمامات البرارى أو قطا كدرى
هميم(ن) موتري يونس وجودي فيه ويداري=مطبات الطريق وخاطرى من دون لاأدرى
أقلب فيه اذاعات العواصم طول مشواري=هناصنعا00هنا مسقط00هنا00ثم اقفله واسري
اذا صوت المغنى مايجي من يمة دياري=فلا أطرب ولااشتاق ومايرتاح له صدري
وماغنيت الا غنوة(ن) تستخلص أشعاري=أصير ان مسّنى وجدى لخلانى بها قمري
مضى عهد(ن) طويل وهذا انا تحملنى أقداري=مثل ماتحمل الريح البعيده حومة النسري
سفر أضرب دروبه حيث رزقي بايع(ن) شاري=بروح الحالم التواق والاحلام بي تغرى
نزلت أرض(ن) مثل أرضى بدار(ن) تشبه لداري=بقوم(ن) اقرب لقومي بفكر(ن) ينتقض فكرى
مدينه من مدن صالح بها خليت آثاري=تدل أنى وريث الناس في عصر(ن) مهو عصري
عرضت بضاعتي فيها بوجه الريح للذاري=حطب0ارطا0سمر0لللله ياهل النار من يشرى
وتذوى في مدى طول انتظارى بهجة أزهاري=متى مرت عيون العابرين أحيان تستقري
وكم علقت ايام الشتا باطرافها ناري=أراعي للنجوم النازحه بالبعد من خدري
تمر بخيمتي نسمة جفا وتحرك أوتاري=وتعزف بي جزن0مدرى شجن مدري بكا0مدري
بكيت لسدرة البيت الصغير بكل أسفاري=لصوت أمي,لعشقي,للحمام لزرقة الفجرى
أنا مهجور الا من حنين(ن) يسبر أغواري=عليه أستقبل أطياف الاحبه كل ما يطري
تولا كل محبوب(ن) لنفسي يفهم أسراري=وذا قلبي غدا دفتر قصيد ومدمعي حبري
حزنت البارحه وانتي تعديتك بمسفاري=ولابد الطريق يجيبني لك يوم وانتظري[/poem]
( الاسهم)
[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
نصيحتي ان كان تبغا نصيحـه=احذر تخش السوق في كل مالك
اما رجل مشنـوق والا ذبيحـه=تصير متعلّق ويوخـذ حلالـك
باكر تعض شفاك وتصيح صيحه=هالك ومنهو يدخل النار هالـك
ابعد عن المترديـه والنطيحـه=يطيب فالـك طيّـب الله فالـك
خلك مع أهل العقول المريحـه=ولا تسابـق راكبيـن الكدالـك
قومن يشدّون الصليب لمسيحـه=ولا يراعون الذمـم والمسالـك
للمال تشريعن وفتوي فصيحـه=عند اليهود وشوف منهو فتالك؟
لعبة قمـار ابليسهـا يستبيحـه=يعطيك من ذنبه وياخذ ريالـك!
يلعب بفكرك بين قومه وطيحـه=شالك وحطّك ثم حطّك وشالـك
الين ماتمسـي بحالـه كسيحـه=خسران اموالك وترثي لحالـك
احفظ حلالك احفظه ذى نصيحه=احفظ حلالك لاتضيّـع عيالـك[/poem]
فالح الدهمان
رد مع اقتباس
مواقع النشر (المفضلة)