تعمى عيوني لو غفت وانت سهران

[meryem-casa]

السلام عليكم جئتكم بقصة اتمنى ان تنال اعجابكم وللامانة هي منقولة:

[meryem-casa]

في المملكه العربيه السعوديه وبالتحديد في العاصمة الرياض كانوا يعيشون ريما وهيفاء
ريما البنت الي تعاني مرض نفسي يخليها تحس انها ولد حتى تسريحة شعرها الي كانت بوي ومشيتها وحركاتها وكل شي فيها وهيفاء البنت الدلوعه الناعمه الي قلبها طيب وتحب كل الناس
هيفاء:ييييييبه الله يخليك انا ماابي اتزوج الحين الله يخليك يبه اناحلمي اني اكمل دراستي واصيرشي مهم ينتفع فيه المشتمع
ابوهيفاء:انا عطيت الرجال كلمه وخلاص فاهمه ولالا بعدين الرجال مافيه شي يعيبه الاجيبه وهو مقتدر ورجال معروف وتاجر كبير
هيفاء:بس يبه
ابو هيفاء:خلاص انا حددت موعد الزواج
هيفاء:يمه تكلمي
ام هيفاء:وافقي ياهيفاء
هيفاء:يمه وش معنى خواتي ماتزوجوا الابعد ماتخرجوا وانا يمه توني عارفه كم عمري 16 سنه يمه ابي اعيش حياتي
(هيفاء كان عندها اختين اكبر منها متزوجين وعندهم عيال واخوانها بعد خالد وفيصل)
ام هيفاء:بتعيشين حياتك يابنتي الرجال معه فلوس
هيفاء:يمه حتى احنا مو قاصرنا شي
ام هيفاء:بتتزوجينه غصب عليك
هيفاء:يمه ماابي اتفرق انا وصاحباتي يمه لوانا انقل ريما ضاعت
ام هيفاء:خليها تضيع الدرب الي يودي ولا يجيب
هيفاء:يمه لاتقولين عن ريما كذا بعدين (وهنا سالت دموع هيفاء )يمه الله يخليك
ام هيفاء:خلاص كلمة ابوك هي الي تمشي بهاالبيت
هيفاء:طيب
(راحت هيفاء لفراشها وراحت منها احلامها الورديه الي كانت هي ترسمها)
حطت راسها على الوساده تذكرت كيف كانت ريما اول تذكرت اشلون شهوة ريما تتطاير اذا شافت قدامها بنت وهيفاء هي الي عالجتها من المرض من بعدها صاروا اعز صديقات
ماقدرت تنام قبل ماتشوف صورة حبيبتها ريما وتتامل ملامحها الطفوليه ضمتها لقلبها وبكت بحرقه ومراره وفراق لانهم الحين بالاختبارات النهائيه وزواجها بيكون بعطلة الصيف نامت وهي ظامه صورت ريما نامت وهي ماتدري وش المصير الي ينتظرها
(دخلت عليها امها الساعه ست عشان تصحيها للمدرسه وشافت كيف بنتها نايمه وتقطع قلبها على بنتها لانها كانت تتصنع قسوتها الي امس لانها عارفه ان ابو هيفاء راسه يابس )
ام هيفاء:هيفاء ياللا قومي
هيفاء:انشاءالله
(قامت هيفاء ولبست مريولها ونزلت تحت وتحت عيونها هالات سوداء من كثر البكي واخوها فيصل لاحظ هالشي لانه اقرب اخو لها لان خواتهاكبار واخوها خالد صغير)
فيصل:شفيه القمر زعلان ولاسالني اذاكنت مراجع ولالا
(طالعته هيفاء وتصنعت ابتسامه)
ام هيفاء:ماتبارك لاختك بتتزوج
فيصل:نعم هيفاء مو انتي تبين تكملين دراستك
هيفاء :الا ابي اكملها (وهنا هيفاء بكت) بس ابوي ابوي
(فيصل كان حساس مره ومايحب يشوف هيفاء وهي تبكي فسالت دموعه وراح عند هيفاء دفن راسه بحظنها الدافي مايحب احد غير هيفاء يشوف دموعه فيصل كان حاس انه بيبعد عن هيفاء تمسك فيها بااقوى ماعنده وهنا هيفاء مسحت على راس اخوها بكل حنان ورقه لحد ماهداء شوي وامهم قلبها تقطع عليهم )
ام هيفاء:ياللا كل واحد على مدرسته
(قاموا هيفاء وفيصل وراحوا مدارسهم)
وش تتوقعون ردة فعل ريما اذاعرفت بالسالفه

[meryem-casa]

(دخلت هيفاء المدرسه وهي مو عارفه ايش تقول لريما وكيف تشرحلها)
ريما:هيوووووووووووف اهليييييييييييين
هيفاء:هلاريما
ريما:هيووف وشفيك شكلك تعبانه مدري مهمومه فيك شي
هيفاء:هاه لالا مافيني شي
ريما:طيب هيفاء ياللا ترا الجرس رن ولا ماتدرين
هيفاء:هاه
ريما:هيفاء شفيك اكيد احد مزعلك صح
هيفاء:ريما ااااااااان (وبدت في البكي وراحت وتركت ريما بحيرتها)
ريما:هيفاااااااااااااااء وين بتروحين
(دخلت ريما قاعة الاختبار وشافت هيفاء جالسه تبكي )
ريما:هيفاء حبيبتي وش فيك
هيفاء:ريما بقولك بعد الاختبار (هيفاء كانت خايفه كثير على ريما لان ريما ماتحب بعاد هيفاء وهيفاء خايفه ان ريما ترجع لحالتها الي قبل)
نفس الحاله عند فيصل الي جالس يفكر ليش ابوه يغصب هيفاء فيصل جلس يسال نفسه اسئله كثيره من فيصل ماكان يبي هيفاء تبعد عنه يبي هيفاء دايما جنبه فيصل كان يتالم ومو قايل لاحد لاابوه لاامه لاهيفاء.
(ام هيفاء كانت تفكر بحال بنتها اذا ابتعدت عن ريما)
ريما:ياللا هيفاء قوليلي وش فيك
هيفاء:ريما اااااااااناااااا انا
ريما:وشو انا
هيفاء والموع سايله من عينها:انا بتزوج ريما
(ريما جلست تطالع هيفاء وقامت وتركتها)
هيفاء:ريماااا تعالي الله يخليك
(جلست هيفاء تبكي ومو عارفه شتسوي قامت وراح لريما شافت شكل ريما وتقطع قلبها كان شكل ريما بجد يقطع القلب كانت جالسه على الارض وضامه رجولها لحظنها وتبكي بحرقه لان ريما ماكانت متوقعه انها بيوم من الايام راح تتفارق هي وهيفاء هيفاء تقطع قلبها وماكانت عارفه شتسوي كل الي سوته انها ظمت ريما لحظنها هيفاء ماتتحمل تشوف شكل ريما وهي كذا هيفاء مسحت دموع ريما بيدها)
هيفاء:ريما ريما اوعدك اني ماراح اتركك سوا تزوجت اولا ريما انتي صاحبتي واختي وكل شي لي مااتركك ياريما وهالمدرسه انا ماراح انقل منها انا ابي اجلس فيها بس والله ياريما مغصوبه
(ريما بعدت عن حظن هيفاء وجلست تطالعها بكل ترجي)
ريما:توعديني ياهيفاء
هيفاء:اوعدك ياريما
(وفي مدرسه فيصل فيصل كان الالم يشتد عليه اكثر واكثر وماكان يبي يبينلهم انه مريض)
بعد مارجعواالبيت راحت هيفاء على طول لغرفتها بدلت ملابسها وشغلت المسجل كانت اغنية من عيوني لما سمعتها هيفاء تذكرت ايام المتوسط لما كانوا يوميا يغنونها وهي الاغنية المفضله لريما جلست هيفاء تبكي وهي تتذكر ايام اول وفيصل كان يبكي بغرفته من الالم)
طق طق
هيفاء:نعم
ام هيفاء:هيفاء بكره ملكتك
هيفاء ياستغراب:نعم
ام هيفاء:من قال نعم سمع
هيفاء:طيب انا ماجهزت نفسي
ام هيفاء:اوامر ابوك
هيفاء:طيب
(يدخل ابو هيفاء على بنته)
ابوهيفاء:هاه قلتيلها
ام هيفاء:ايه ووافقت
هيفاء:بس بشروط
هيفاء:ابي تسويلي حفله لي انا وابي اعزم صحباتي وماراح انقل من المدرسه وقل لهذا الي مدري وش اسمه ماراح اطبخ ولاانظف ولا شي وبطلع مع صحباتي مثل ماانا هنا
ابو هيفاء:طيب
هيفاء:طييييييييييب بس انا ماابي اتزوج الله يخليك (وهنا جاء المقطع المفضل لهيفاء الي هو حلمي ياللي عشت عمري ارتجيه انته حياتي في رجاك ابتديت الحب معك و بنتهي ماملا عيني ولاعمري سواك)(وبدا البكي)
ام هيفاء:بس يابنت
هيفاء:مااابي ماراح اتزوج والله مااتزوج حرام عليكم
ابو هيفاء:غصب عليك ياهيفاء
هيفاء:طيب ليش قلي ليش
ابو هيفاء:هذا بيعيشك في العز عنده فلوس
(وريما نفس الحاله كانت تبكي على صاحبتها هيفاء )

[meryem-casa]

نامت هيفاء وهي ماتعرف ايش ينتظرهابكره وفيصل الي كل يوم المرض يزيد عليه اكثر واكثر
وام هيفاء الي مو عارفه ايش تسوي
(يوم الخميس الساعة الواحده ظهرا)
تدخل ام هيفاء تصحي بنتها
ام هيفاء:ياللا هيفاء قومي
هيفاء:والله دقيقه
ام هيفاء:قومي اليوم ملكتك يابنت قومي
هيفاء:خلاص قمت
ام هيفاء:مري على فيصل
هيفاء:انشاءالله
(طلعت ام هيفاء من عند هيفاء وهيفاء اتصلت على ريما)
هيفاء:هلا
ريما:اهلين هيفاء كيفك
هيفاء:الحمدالله
ريما:هيفاء مشتاقتلك
هيفاء:وانااكثر ياعمري ريما اليوم ملكتي
ريما:اليوووووم
هيفاء:ايه ريما وزواجي بعد اسبوع
ريما:ليش بسرعه
هيفاء:انا بسوي حفله وداع يوم الاحد اوكي حبيبتي
ريما:اوكي
هيفاء:ياللا ريما باي
ريما:باي
راحت هيفاء تصحي اخوها من النوم
هيفاء:فيصل فصولي ياللا قوم
فيصل:هاااه
هيفاء:قووووووم
فيصل:صباح الخير
هيفاء:صباح الورد
فيصل:هيفاء بجد اليوم ملكتك
هيفاء:ايه
فيصل:هيفاء شفيك
هيفاء الي دموعها بتنزل باي لحظه :مافيني شي (وقامت وطلعت)
نزلت تحت شافت البيت كله موجود تذكرت اول كانت تحب جمعاتهم شافت خواتها الكل يباركلها
بس هي تبيهم يعزونها مو يباركونلها كانت مشتاقه لعيال خواتها مره بس الحين هي مهمومه
ماتدري ايش بتكون حياتها فرح ولا جحيم راحه ولا تعب جلست تسال نفسها هل بتعيش بسعاده ولالا هي اصلا ماتعرف عنه اي شي واليوم هي خايفه انها تواجهه
ام هيفاء:هيفاء ماتبين تفطرين
امها قطعت عليها حبل افكارها
هيفاء:لا مااشتهي
(مر الوقت كاانه سنوات عند هيفاء الحين النقطه الحاسمه بعد نص ساعه هيفاء بتدخل عنده عند زوجها زوجها الي ماتعرف عنه شي )
الكوافيره:بليييز مدام ماتتحركي
هيفاء كانت معصبه وتبي تبكي باي لحظه قامت ورمت نفسها على السرير وجلست تبكي
الكوافيره مو عارفه ايش تسوي راحت تنادي ام هيفاء
ام هيفاء:ياللا هيفاء حبيبتي خليها تسويلك شعرك ياللا حبيبتي
هيفاء:ماابي يمه الله يخليك (وقامت ورمت نفسها بحظن امها)
ام هيفاء:الله يخليك ياهيفاء
هيفاء:يمه ليش تبون تزوجوني ليش
ام هيفاء:نبي مصلحتك ياهيفاء
هيفاء:اي مصلحه هذي يمه
ام هيفاء:ياللا هيفاء خليها تسوي شغلها
هيفاء:انشاءالله
راحت هيفاء وخلت الكوافيره تسوي شغلها لما خلصت الكوافيره كان شكل هيفاء بالمره يجنن
كانت لابسه فستان اخضر تحت الركبه ومن عند الصدر كان ممسوك ببروش ذهبي وكانت حاطه شدو اخضر بس مكياجها كان خفيف بس كانت روعه
ام هيفاء:ماشاءالله لااله الاالله طالعه قمر ياهيفاء
هيفاء كانت خايفه تتكلم وتبكي فاامها مقدره ظروفها
ابو هيفاء:ياللا هيفاء تعالي معاي
هيفاء:وين
ام هيفاء:تشوفينه ويشوفك
هيفاء:لازم
ابوهيفاء:ايه لازم
هيفاء:يبه اجلس معاي
ابو هيفاء:وين اجلس معاك وين اجلس معاك
هيفاء:طيب يبه خلاص
دخلت هيفاء وكانت عيونها على السجاده الي بالمجلس وحاولت ترفع عيونها لما رفعت عيونها كان في واحد قدامها ماقدرت تنزل عيونها من جماله كان اسمر وعيونه وساع وطويل وعريض شوي وشعره باين من تحت الغتره كان شعره لحد كتوفه او اقصر
ابو هيفاء:هيفاء اجلسي جنب زوجك
هيفاء بصوت واطى:لاز م يعني
ابو هيفاء:قلتي شي
هيفاء بصوت واطى:سلامتك يبه
جلست هيفاء جنبه وهي ترتجف اول مره تجلس عند واحد غريب ابوها قام وطلع كانت تبي تقوله يجلس بس ماقدرت تتكلم جلست تقول بنفسها انا وياه لوحدنا
-:هيفاء احب اعرفك بنفسي
هيفاء حست احساس غريب لما سمعت صوته كان صوته مره حلو
_: انا بدر العبدالله عمري 30 سنه صاحب شركات مثل ماانتي شايفه حلو ومليونير والف بنت تتمناني
(هيفاء كان ودها تخبطه بها التحفه الي قدمها جلست تقول لنفسها وش هالغرور كله الله واكبر ياتوم كروز على غفله
بدر:مايحتاج تعرفيني عن نفسك انا اعرفك اسمك هيفاء عمرك 16 سنه وبعد شهرين يصير عمرك17 سنه دلوعه وشايفة نفسك وعرفت شروطك وانا موافق عليها بس انا عندي شروط بعد
انا شغلي فيه بنات كثير ولا تخافين ترا مو حلوين وبعد شغلي يتطلب مني اسافر كثير وانتي صغيره وهمك دراستك يعني بخليك تذاكرين ومو كل يوم والثاني تقوليلي اغار شوفي معك حق انك تغارين لاني حلو والف بنت تتمناني وهذي شروطي
(هيفاء بنفسها ياربيه على كل هالغرور شايفك نفسك مدري على ايش اووووف)
بدر:انتي ماتتكلمين ولا ايش
في هالوقت هيفاء كانت بتبكي الا يدخل ابوها ويقولها خلاص روحي
بدر:لحظه هيفاء (ويروحلها ويبوسها على خدها)
هيفاء انصدمت من حركته قدام ابوها ويبوسها

[meryem-casa]

طلعت هيفاء وهي واصل حدها بتبكي ماتبي تكلم اي احديجونها خواتها ويكملونها عليها
رنا:هاه هيفاء حلو ولا لا
خلود:هيفاء كيف شكله اوصفيه
هيفاء:اوووووووووووووووووووف
(وراحت وتركتهم)
خلود:وش فيها ذي هي بتحصل واحد مثله
رنا:هذي هيفاء مدري شايفه نفسها على ايش
ام هيفاء:وين هيفاء
خلود:طلعت فوق
وراحت ام هيفاء لبنتها ولما دخلت عليها شافت هيفاء كيف ضامه رجولها لحظنها وجالسه تبكي
ام هيفاء قلبها كل يوم يتقطع اكثر واكثربس مو عارفه ايش تسوي قربت لبنتها وحطت يدها على شعر بنتها ام هيفاء لما الحين تحس ان هيفاء دلوعتها الي تعودت على داعبتها بصغرها وبعد كم يوم بتشوفها عروس قدامها نزلت دموعه من غير ماتحس رفعت هيفاء راسها وشافت امها قدامها
لاول مره تحس انها محتاجه حظن يظمها ويحميها من الي حولها ارتمت بحظن امها وتمسكت بامها بقوه كانت خايفه من الي ينتظرها خايفه من المجهول بكت بحرقه وهي بحظن امها وامها بكت معاها
(نرجع لابو هيفاء)
ابو هيفاء:هاه بدر وشرايك بهيفاء
بدر:حلوه بس بنتك ماتتكلم ولا ايش قصتها
ابو هيفاء:هه الا تتكلم بس يمكنها مستحيه منك ولا شي
بدر:اه يمكن ياللا انا استئذنك وبكره ارسلك المهر والشبكه مع السائق
ابوهيفاء:على خير انشاءالله
بدر:مع السلامه
ابوهيفاء:مع السلامه
ابو هيفاء:ماتتكلمين هاه هين ياهيفاء
راح ابو هيفاء بسرعة لغرفة هيفاء فتح الباب بقوه :هيفااااااااااااااااااااااااااااااء
هيفاء من الخوف تمسكت بامها زياده
راح ابوها سحبها من حظن امها بشعرها وخبط راسها بالجدار
ابو هيفاء:بتطيرين الرجال هاه
هيفاء بصوت كله بكي:اي رجال يبه الله يخليك
ابو هيفاء:بدر ماتتكلمين ليش طرما ولا الدود اكل لسانك
ام هيفاء:فك البنت يارجال بتموت بيدك
ابو هيفاء:احسن عشان افتك منها
ورماها بالارض وراح
ام هيفاء:حسبي الله ونعم الوكيل قومي يابنتي قومي
هيفاء بتعب:حرام عليكم يمه حرام
قومت ام هيفاء بنتها وحطتها على فراشها
نامت هيفاء وهي ماتعرف ايش ينتظرها واحلامها الورديه الي كل يوم عن يوم تمسح
(يوم الجمعه مر كئيب على هيفاء زي الايام الي قبل والسبت بعد )
اليوم يوم الاحد اليوم المنتظر اليوم حفلة وداع الفرح والوناسه بالنسبه لهيفاء اليوم بتتودع من صحباتها كانت جالسه بغرفتها تفكر
طق طق
هيفاء:ادخل
خالد:هيفاء في واحد سواق جاب هذا
هيفاء:وريني
خالد:خذيه
فتحت هيفاء الكيس لقت فيه علبه حمراء مغلفه وعليها كرت صغير فتحت الكرت كان مكتوب
الى هيفاء هذي هديه بسيطه مني اتمنى تعجبك بدر
فتحت العلبه كانت ساعه مرصعه بلالماس كانت مره روعه
هيفاء كانت لماتقراء اسمه اوتسمع طاريه تحس باحساس غريب بس كانت تقول لنفسها هذا احساس عادي لانه اول شخص دخل حياتها
(راحت هيفاء للقاعه الي راح يسون حفلة الوداع فيها شافت كل شي احمر)
هيفاء:يمه ليش الصاله كلها حمراء
ام هيفاء:هذاذوق بدر
هيفاء:وهو ايش دخله
ماحست هيفاء الا بااحد حط يده على كتفها لما التفتت شافت بدر وراها تسارعت نبظات قلبها حتى الي بجانبها صار يسمعها
بدر:شرايك بالقاعه هيفاء
ابوهيفاء:تجنن
بدر:هاه هيفاء
هيفاء بصوت واطى:حلوه
بدر:طيب تعالي اوريك صالة العشاء
(وسحبها من غير مايسمع ردها)
بدر:هاه شرايك
هيفاء هزت راسها بس
بدر:خييييييييييير كلمينييييييي انتي ولا ماتعرفين
(هيفاء خافت لما صرخ عليها وقالت بنفسها من اولها كذا)
بدر:خوفتك
هيفاء اكتفت بالنظر له اول مره كانت تدقق بعيونه كانت عسليه كانت ملامحه مره حلوه
بدر:هيفاء (وظمها لصدره)
هيفاء استغربت من حركته بالاول يبوسها والحين يظمها دخل ابوها بها الوقت وهيفاء ماانتبهت
ابوها انبسط من هالحركه راح بدر بعدها عن حظنه بشويش لما بعدت شافت ابوها وصارت ماتقدر تحط عينها بعينه