لا يالعنـود القلـب مـنّـي خذيتـيـه
واقفى معك قلبي وانـا عينـي تشـوف
خذتـي فـؤادي فالهـوى وامتلكتـيـه
ومن يمتلك قلبـي لـزوم انّـه يـروف
روفـي تـرى يتعبنـي الصـدّ والتّيـه
ولولا غلاتـك كـان مانيـب مكلـوف
لـولا غـلاك اللـي بقلـبـي بنيتـيـه
ماكنت انا لرضـاك مغـرم وملهـوف
أحلـى اسـم فالكـون انتـي حملتيـه
واحلى فنون الوصف واصف وموصوف
حرف (الألف) أهواك واغليك واغليـه
اغلي غرامك واحفظه داخـل الجـوف
و(اللام) لاجلك كـل شـيء(ن) بغيتيـه
أبغيـه لـو دونـه متاهـات وحتـوف
و(العين) عمـري فدوتـك لـو طلبتيـه
ماهمّنـي لرضـاك رهبـة ولاخـوف
و(النون) نون العيـن وحـدك سكنتيـه
متربّعة في وسـط عرشـه واناآشـوف
و(الـواو) ودّي لـو دقايـق فهمتـيـه
قصد الخفوق اللي من العـام مخطـوف
و(الدّال) درس الحـب يابنـت عيديـه
عيديه لـي كلمـات ونقـاط وحـروف
ان كان (نوف) تـودّ (تركـي) وتغليـه
ودّي نكون امثال (تركي) معـا (نـوف)
وسلامتكم
قصيده لا عرف كاتبها
لكنها اْعجبتني ونقلتها
الله يستر لاتقولون مكرره
هذا القسم الوحيد باقي امل فيه
تك تك
مواقع النشر (المفضلة)