تدري وش اللي يتعب البنت يا سعود...؟!
رجـــلٍ يـخــون اشـواقـهــا و الــمــودة
إلـلـي إلا احـتـاج الـغــلا صـــار نـمــرود
وإلــى شـبـع مـمــا عـطــاه إسـتــرده
البـنـت ريحـانـة غــلا ... نـاعـمـة عـــود
تـبــي لـهــا رجـــلٍ ورث طـيــب جـــده
رجــلٍ فعـولـة كلـهـا جــود فــي جــود
مــا يلتـفـت لـلـي كـفـوفـه تـمــده ...!!
رجــــلٍ إلا جــتــه الـلـيـالـي بـمـنـقـود
يتـكـى لـهـا مــا بـيــح الـوقــت ســـده
مهـوب خبـلٍ مــا رعــى للهوى عـهـود
وادنـــاة مـــا عـــارض طـريـقـه يـــرده
ولاهــوب لاعـلـة ... ولاهـــوب مـلـهـود
ولا شـكـوك ... و كـــلٍ طـــارئٍ يـحــده
مـا اشيـن مـن الرجـال لا جــاك بـبـرود
وإن قـال لـه تـرف الـقـدم شــي صــده
تـبـي لـهـا بـــراق طـيــبٍ لـــه رعـــود
إن اجـدبـت يمـطـر عـلـى ريــف خـــده
وإن نـادتـه تكـفـى لـقـت عـنـده الـفـود
يـشـيـل عـزتـهـا عــلــى قــــو زنــــده
كفـه نفـل ... وانفـاس صـدره لهـا عــود
وظــلالــه الـضـافــي بـيـدهــا تــمـــده
البـنـت خــد ... وقــد ... ونـواظـرٍ ســود
وريحـة غـلاً ... ياسعـد مـن شــم نــده
البـنـت إلا ضـحـكـت ثـمـرهـا لـــك ورود
يــا سـعـد مـــن يـقـطـف نـواويــر وردة
واللـي يهيـن البنـت ناقـص ... ومـقـرود
فـرس غــلا ... مـاهـي حـمـارة مـكـدة
منقول
مواقع النشر (المفضلة)