وعليك السلام ورحمة الله وبركاته ياهلا والله وغلا والله يسعد مساك بالخير وبراحة البال وبالعافيه بخير الله يسلمتس ويمنتس انا ابشرتس بخير وبراحة بال ان شاءالله وعندي اختبارات الايام هذي في الجامعه التعليم عن بعد انتسبت فيه والله يزينها انتي اللي بشريني عنتس حي الله شمعة المنتدى وين هالغيبات وش هالقطاعه كل مادخلت قمت اويق على ملفتس اشوف متى اخر دخول لتس شكلتس طحتي في التغلي بشري وش صار عليتس ان شاءالله التثبيت من فالتس منوره يالغالي ولتس وحشه وان شاءالله مانسمع انتس غايبه ثاني مرره
السلام عليكم ورحمة الله يسعد مساك حيران شخبارك شعلومك عساك طيب دخلت قلت اسلم عليك واتطمن والله له وحشة هالمنتدى طمني عنك وش جديدك وش علومك
ليش ماعرفتي لنا هذا وانا ابي لتس الزين اجل انحفي لين تختفين ومن ناحية الاسماء ليش ماترفعين برقيه لخادم الحرمين الشريفين ان طعتي شوري تشكين انك من ضمن الموظفات وان حسب الاداره اللي انتي تابعه لها ان مالك ترسيم عشان تترسمين بدري اذا طعتي شوري ومن ناحية البراري الضبان الله يعافيتس في الحر لكن ترا ما اواطنها شكلكم عطيتوني عين لكن ترا انا من زمان لي كم سنه ما ادورها وكرهتها بعد لكن قبل اسبوع انا قانص ورا الخرج على طريق حرض الطيور النزل وسلامتك
بالله تغيير استايل والله ماعرفنا لكم يالشباب :( دامت افراحك.. والله ي طامي الا الان يقولون رفعوا اسمائنا وان شاء الله خير ايه يزين وتزين البراري وتلقاك كل يوم وانت مطعس هههههههه يا اني راحمه الضبان بس ههههههههه بخير جعلك بخير وعاااافيه
ماعليتس السمنه زينه تغيير استايل ياجعله دوم ان شاءالله وانتي بخير بشري شملتس القرار او باقي للحين ؟ والغبار خلاص انتهى وقته الحين الجو كل ماله يزين وش علومتس يالغلا
هلا بك زووود والله كلها حلوه الا يسمنتس :( عساك دووم بخير وعافيه يارب أبد بخيييير وعااافيه ياربي لك الحمد دوام وبيت وتحضير يعني روتين طبيعي يؤ عاد مابه غبار الحمدلله لنا كم شهر ماشفنا الغبار يالله لك الحمد الله يوفقك وييسر امورك ي طامي
ياهلابتس انا بخير الله يسلمتس ويسمنتس طيب طاب حالتس وفالتس ماسويت شي انتي اللي وش مسويه وش علومتس عساتس طيبه وبخير بس ولاتطرين الغبار ثم اصور لتس الحين الكمامه ترا عندي والله جنب المكتب منزلها على الارض
هلا هلا والله حيران وعليكم السلام والرحمه وانت بخير وصحه وسلامه يارب شخبارك شعلومك وش مسوي بدنياك.. تسلم تسلم يارب ع السؤال وانت بالبال دايم.. يوووه من زمان عنكم والله انكم مغبريين هههههههه
السلام عليك كل عام وانتي يالغلا بخير حبيت امر واسلم مادام الفرصه سمحة لي بالمرور عليتس
السلام عليك مساء الخير كيف الحال عساك بخير الشهر عليك مبارك حبيت امر يالغاليه واسلم وابارك لتس بالشهر
