بـعـض الـعـرب مـايـنـعـطـى وجـه

هذه قصيده جميله واحببت ان انشرها
وهي بعنوان
بـعـض الـعـرب مـايـنـعـطـى وجـه



بـعـض الـعـرب مـايـنـعـطـى وجـه بـالـحـيــل
"ولـيــا عـطـيـتــه وجــه صــار إلــك عـلــه

وبـعـض الـعـرب مـالـه سـنـع لـكــن حـلـيــل
"بـالـضــبــط كــنّــه لاتـمـعــنــت ظــلّــه

وبـعـض الـعـرب شـقـرا وشـقـرا مــع الـخـيــل
"مـايـنـفـعــك لــولا الــرمــوش الـمـظــلّــه

وبـعـض الـعـرب مـن ويـن مـاجـيـت كـوكـتـيـل
"فــي زعـمــه انــه يـفـهــم الـكــون كــلــه

وبـعـض الـعـرب فـقـري ولـه نـفــس زنـقـيــل
"ويــعــد نـفــســه دولـــة(ن) مـسـتــقــلــه

وبـعـض الـعـرب لـويـعـجـبـك ثـرثــرة لـيــل
"وبـاكــر تــرى مـاقــال لــك شـــيء لــلــه

وبـعـض الـعـرب مـرسـال مــدري مـريـسـيــل
"يـسـايــر الـعــالــم وهـــو حــاصــلٍ لـــه

وبـعـض الـعـرب تـلـقـاه بـالـحــط والـشـيــل
"امــا بـغــيــر الــحــط والـشــيــل زلـــه

وبـعـض الـعـرب يـسـلـخ ويـنـفـخ وهــو ريــل
"سـيـفــه نـهــار الـكــون يـعـجــز يـســلــه

وبـعـض الـعـرب مــن غـيــر بـنــدق ودربـيــل
"ومـنـيــن مـاهــب الــهــواء جــايــزٍ لـــه

وبـعـض الـعـرب يـطـلـع كـمـا طـلـعـة سـهـيـل
"ويـغـيــب نـجــمــه قــبــل دربـــه تــدلّــه

وبـعـض الـعـرب يـوذيــك بـالـقــال والـقـيــل
"تـجـلــس مـعــه سـاعــة والأخــرى تـمـلّــه

نـذل وخـسـيـس يـفـصـل الـهــرج تـفـصـيــل
"ولــيــا لـقــالــه طــيــبٍــا يـسْـتــغــلــه

وبـعـض الـعـرب نـمــام مـلـعـونــن ابـخـيــل
"يـــروح مـــن شــلــه ويــرجــع لـشــلــه

وبـعـض الـعـرب مـايـمـســك الا مــع الـذيــل
"امــا بـغـيــر الــذيــل مــانــت ابـلـقــلــه

وبـعـض الـعـرب مـنـظـر وكـشـخـة وتـحـلـيـل
"شـبــح بـحــال.. وحـــالا اخـــرى كــورلــه

لاشـفــت زولــه مــن خـيــار الـرجـاجــيــل
"والـيــا عـرفــتــه مـاتـجــيــه بـمـحــلــه

وبـعـض الـعـرب مـاضـيـه لـيـلٍ عـلــى لـيــل
"قــــد بــصّــمــوه وصـــــوروه iلأدلـــــه

وبــعـــض الــعـــرب لاوالله إلا تــهــاويــل
"مـهـمــا عــقــدت الـحــبــل لازم يـحــلّــه ُ

قـــد دربـــوه ولــكّــعــوه الـرجــاجــيــل
"ومــن قـبــل لايـصـيــر الـحــدث حـاسـبـلــه

والـوقــت هــذا وقــت بـزنــس وتـضـلــيــل
"وتــعـــاف لابــرقـــت دقــــه وجـــلـــه

وصــل الـفــروض ويـقـبـلــن الـتـنـافــيــل
"وحـافــظ عـلــى حـلـتــك كــان الــك حـلــه

وكـانـك شـجـاع صـحـيــح حــارب اسـرائـيــل
"قـبــل الـيــهــود الــقــدس لا تـسـتـحــلــه ُ

وكـلــش يـهــون إلا الــثــلاث الـمـهـابــيــل
"الـمـهــزلــة والـمـســكــنــة والــمــذلــه

وسلامتكم

هذي من احد أشهر قصايد البحر الميت
وهو شاعر من قبيلة الرشايده في شمال المملكه العربيه السعوديه
وحقيقه لايحضرني أسمه حاليا



أرجو عدم الأسهام في السرقات الأدبيه لان همس القوافي فقط لقصايد الأعضاء المشاركون
وماخالف ذلك يعتبر سرقه أدبيه

ودمت