قال الدوريات .. قال لا والله المخدرات
السلام عليكم ورحمة الله وبركاته
كيفكم ؟
قال الدوريات .. قال لا والله المخدرات ز15
[justify]
يوم الأربعاء الماضي " سماجة الواحد لما يتكلم لغة عربية ز15 " ,, المهم قالي واحد من الشباب باريس تروح معي القصيم نبي نقعد الأربعاء - الخميس - الجمعه ,, انا قلت والله موب شينه خل نغير جو بلا الدوادمي بلا خرابيط ,, اوكي الساعة 5 نمشي اول ما يبرد الجو " كان يكلمني الساعة 1 ونص الظهر ,, قال اوكي تجهز ليه الوقت ودق علي امرك ,, قلت اوكي إن شاء الله يالله طس خل اصرف الشعب في المسن ,, " نصيحة لوجه الله لحد يشتغل دعم فني مواقع وقسم يا ان اصحاب المواقع ( خصوصاً الجديدين اللي فرحانين بلون الإدارة ) ما يدري وش السالفة وينشب لأم أمك بهاك ما تركب على نسخة موقعه !! < الكلام لكاتم هو اللي يفهم ز15 " ..
جت الساعة خمس المغرب مرني ابو الشباب وطلعنا نبي نروح القصيم طبعا القصيم تبعد عن الدوادمي مسافة 220 كيلو متر ,, يعني ساعة ونص بالسيارة ,, و3 ايام على رجولك ز15 ,, طبعاً نبذة عن خويي اللي معي " راعي شراب ابو الشباب ,, يعني وفر علي البحرين يا انه يعطيني من اللي عندهـ ولا ببلغ عليه ز15 " .. انا يوم ركبت معه قلت معك شي ؟! قال لا ما معي صاحي انت ؟! قلت لا انا ما اقولك كذا عشان انزل بالعكس الله يجزاك خير لو معك شي ز15 ,, قال لا لا ما معي ,, قلت اوكي اقرب كوفي شوب ونقلبها نسكافية ,,
كان مسرع ابو الشباب وحنى طالعين من الدوادمي ومشغلين شريط منوع وراجينه رج " محمد عبدهـ - راشد الماجد - الشابة نبيلة المغربية - هيفاء وهبي - نانسي عجرم ,, انا لمحت قدام دوريات ,, قلت هد يابو الشباب دوريات لا يعطونا مخالفة ,, الرجال انخبص قال لا والله موب الدوريات لا والله المخدرات ,, وهو يقول زبن الحبة دورها شفها تحت الكرسي ,, قلت وشو !! .. وش تقول انت ؟! .. " طبعاً الكلام ذا كلة بعشر ثواني .. لكن شوفوا الوضع اللي حنى فيه واعرفوا ليه طولنا ز15 ,, المهم قال شفها تحت الكرسي دورها .. انا نزلت يدي وامسك العلبة قلت احذفها ؟! .. قال لا والله زبنها تحتك وما عليك ,, انا توهت زبنتها تحت الكرسي وجلست اقول في صوت خفيف بس انه يسمعني " الله لا يوفقك يالتسلب خبصتني كان علمتني قبل " ..
وقفنا عند النقطة وقدامنا سيارة .. قال خويي لا تختبص ما عليك هذي الشرطة مو المخدرات .. قلت يابو الشباب مسوي فيها تبي تهديني ؟! ترا اللي يدور الشراب الدوريات موب المخدرات ..ز15 ,, المهم جاء دورنا ,, ويبي يخبصنا الشرطي قال : معكم من الشراب شي ؟! .. قلت انا لا والله زبناهـ < مسوي فيها استهبل .. قال وشو ؟! قلت اقول يعني ماهوب من زينه ,, قال وقفوا وقفوا على جنب ,, قال خويي والله لو طرحونا يا ويلك ,, قلت وش سويت انا ز101 ,, المهم نزلت وجاء شرطي ثاني يوم قابلني قال انت ولد فلان ؟! قلت الله الله .. قال هلا والله سلم لي على ابوك السلام الكثير .. انتم ليش واقفين ؟ قلت مدري خويك وقفنا .. قال لا امشوا وكلمه وقال هذا اعرف ابوه ومعروفين بالدوادمي ما هم راعينها " قلت في نفسي بلا والله ماسكني النت لو اطلع برا لاحوسكم حوس .. مير اشوا البحرين فضايحنا فيها ما وصلت الدوادمي ولا كان فتشونا " ز15 ..
رحنا مخبوصين .. وفوق خبصتنا تتوقعون من الخبصة اللي دق علي ؟! عضو محد يدانية في المنتدى بثر ويشوف إن الأعضاء كلهم بثرين .. ز15 .. عرفتوهـ ؟ هذا سلمكم الله جنون انسان داق علي يقول : الووووووووووووووووووووووووو .. قلت : هلاااااااااااااااااااااا .. قال : وييييييييينك حبيبيييييييييييييييييييييييي .. قلت موجود وش فييييييييييييييييييييييييييك ؟ قال لأنك دقمة انا منزل راسي واكلمك تسمعنييييييييييييييييييييي ؟ ز15
[/justify]
قام بالتمثيل :
بآريس
خوي باريس ابو شراب
جنون انسان
الشرطي صديق ابوي
انتاج :
خالي زورو لأنه يحب البحرين
توزيع :
رومانسي غشيم " كاتم الأهات "
شكر خاص لكل من
مكافحة المخدرات بالدوادمي
بلدية الدوادمي
النخيل بلازا - القصيم - بريدة
سيتي بلازا - القصيم - بريدة
فندق السفير - القصيم - بريدة
مطعم ليالي الشام - القصيم - عنيزة
وشكر خاص لضيوف الشرف
محمد عبدهـ
راشد الماجد
الشابة نبيلة المغربية
هيفاء وهبي
نانسي عجرم
إخراج :
بآريس .. $222
رد: قال الدوريات .. قال لا والله المخدرات
هههههههههههههههههههههههههههه
ماأقول إلا الله يستر منك ياباريس ..
واسطه وحركات .. من جد حظ وإلا كان رحتوا في خبر كااااان ..
أقول ماودك تكتب حلقات (( كلنا عيال قريه الجزأ الثاني ))
خل عنك الشراب .. وأصدقاء السوء (( سمعتك أهم حاجه ))
الله يعطيك العافيه ياباشا
رد: قال الدوريات .. قال لا والله المخدرات
ههههههههههههههههههههههه اطلق شي ضيوف الشرف im22
ز46
رد: قال الدوريات .. قال لا والله المخدرات
يعطيك العافيه أخوي...
ع الموضوع .....الجميل
شكـــــــراً...
أميـــــــــره.......
رد: قال الدوريات .. قال لا والله المخدرات
لابارك الله في عدوك ياباريس قريييييييييح
والله يبارك في النت اللي مخليك تقضب ارضك يالاشهب
وش عندكم رايحين للقصيم
لايكون بياعه بس ز129
باريس
الصدز ينخاف منك :(
اقتباس:
,, اوكي الساعة 5 نمشي اول ما يبرد الجو "
هنا حسيت ان الدوادمي على حدود ماربيا
اجل الساعه 5 يبرد الجو ز129
يالله يالله على الساعه 1 ونص تالي الليل تحس انه به نسانيس هواء ز129
سؤال:
ليه مداخل الدوادمي ومخارجها كلها نقاط تفتيش؟؟؟
تعتقد خويك له دخل في السالفه؟ ز129