تحيات الجروح المبطيه والخاطر المكسـور
[align=center]تحيات الجروح المبطيه والخاطر المكسـور
تحيات الغـلا واحلامنـا والليـل واسـراره
يقدمها لك الخافق على باقة ألـم وزهـور
ويهديكالفـراق وينتهـي ويـاك مشـواره
مشاوير الأمل طالت ولا بيّن بدربـك نـور
مشاريه الغـلا زادت وكـلٍ عنـده اعـذاره
بحرتك لين ما صارت مسافات الطريق بحور
وتاهت بي مسافاتك وخليتـك وانـا كـاره
حشا ما ملّك الخاطر ولا هان الغلا في الزور
ولا به يوم ما أمرّك فكر واستلهمـك تـاره
حشا ما ملّت اسماعي حديثك لا غفا ديجور
ولا فارق خيالك ناظـري ياروعـة ابهـاره
ابرحل ماحصل مني ولا منك خطا واقصـور
وفينا والليالـي طبعهـا يازيـن غـداااااره
وداعٍ للعيون الناعسات الواسعـات الحـور
ومنتوقك وزملوقـك ومنطوقـك ونـواااره
ومجدولٍ على العاتق حريرٍ متـرفٍ منثـور
إلى من هبه النسناس بليلٍِ ضاعت أخبـاره
وداع للجمال وللدلال اللـي معـاه غـرور
ومزايا واجده كانت علـى الخفـاق أمّّـاره
وداع يا مكان كان يجمعنا بركـن السـوور
ورا البيت القديم اللي شمالٍِ من هل الحـاره
جميله رحلة أيامي معك ياصاحبي مشكـور
بتبطي ذكرياتك خالده في الـراس وأفكـاره
تبسم وارفع احجاجك ترى خلك رقيق شعور
تضايقه الدموع اللي عيونك هلـت أمطـاره
أبرحل ما حصل مني ولا منك خطا وقصـور
وفينا والليالـي طبعهـا يازيـن غـداااااره [/align]
