.... " راسـي مـن أوجـاع اللـيالـي تـصـدّع " ....
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياعبيد وانا أخوك عطني بنادول=راسي من اوجاع الليالي تصدّع
ياويش ابخلي وياويش ابقول=دام ان قلبي من هواهم تقطّع
راحوا وخلوني وسط داري اجول=وانا ادري انه وسط قلبي ترّبع
قفى وانا من غيبته دار لي حول=وعزي لمن مثلي بخله تشلع
انشهد انه سدد بخافقي GOOL=وعذالنا من رميته لي تشجّع
صفر حكمنا بالنهايه ولحول=انهى مباراة المحبه وودع
قال الحكم هو منتصر وانت مسئول=تحمل اللي جاك ياذا المولّع
قلت اشهد انه فاز في شي معقول=لنه لعب لعبه عليه وبدع
لكن هو اللي خسر نسل الافعول=اللي من اعلوم المراجل تطبّع
ماداج بالمنشر وبالكوت والمول=وينسف الغتر وايسير امتدلع
وماهوب ذاخر كلمةٍ اسمها كوووول=وعن مصطلاحات المغازل ترفّع
وياعبيد وانا اخوووك عطني بنادول=راسي غدى ستين قطعه تقطع[/poem]
فــلاح بن نـاصر الــذروة
