جتني ويسبق دمعها كل الاعذار
جتني ويسبق دمعها كل الاعذار
بين الرجا والياس .. تعلن ندمها
تبكي تنوح .. وحالها قام ينهار
بالنظرة اللي ما تعدى قدمها
بنتٍ تهول بزينها كل الابصار
ضاع (الحلا) من حسنها وإلتزمها
أجمل بنات الكون تلفت للانظار
من شافها غصبٍ عليه احترمها
ومدت يديها ترتمي ذلّ وإصغار
وافضت براكين المشاعر(إحممها)
قالت رجيتك .. لو تناسيت ما صار !!
ماحدٍ عن الزلات نفسه عصمها
ابعترف لك يابعد كل الاخيار
نفسي تودك دام حبك حكمها
اهملتها.. همشتها عمد واصرار
قصدي احسسها وازيد بألمها
ومن حزنها ( كني ) على واهج النار
والمشكلة هالقلب .. ماقد ظلمها
وبقيت واقف .. تايه الراي محتار
انظر لها نظرت حبيبٍ رحمها
مدري اخلي حبنا رمز تذكار
واترك اساها باقين لو وسمها
لتعيش في (دنيا المحبين) تعبار
رسمه انمحت فنانها ما رسمها
وإلا اعيد الحب وانثر لها ازهار
وأحيي بقايا الشوق دامه زهمها
قلت ارفعي هالراس يابنت الاحرار
قربك حياة الروح وبُعدك عدمها
هاتي يديك انكمل العمر .. مشوار
ونبني صروح الحب باعلى هرمها
