ناقتي يا ناقتي ما عليك من الهروج !! ..
السلام عليكم ورحمة الله وبركاته
كيفكم ؟؟
يقول المثل لا طاح الجمل كثرة سكاكينه !! .. ز15
وناصر الفراعنه يقول :
ناقتي يا ناقتي ما عليك من الهروج ... صيحتينن في قفى الذيب يقفاها العجاج
العدل يبقى عدل والدروب العوج العوج .. والعمى من لا ما معه من فعل يده سراج
يامكثرة الحكي والفعايل عوج هوج ... ما يحذف الناس من كان بيته من زجاج !
وأنا أقول : الخلا لا بارك الله فيكم الخلا ز15
وصرخة بعير يقول : الشنب وإن راح ماراح العقل ! ... والفعل يذكر ولو كانت مرة << مرة يعني حرمة مسوية فعل يشرف وصايرة شنب مثل أم صقر ز15
حقيقتاً وصلني هروج من بعض الأخوان هداهم الله < موب لايق الأسلوب ز15
العضو الفلاني فيه كذا وكذا وكذا
والمشرفة الفلانية ماهيب مضبوطة !!
والعضو ذا راعي مشاكل وعليه حركات ما تذكر !!
والمشرف ذاك لسانه يبي من يقصة !!
انا وقتها صابني ذهووووووووول كل ذا يطلع من الأعضاء بشكل عام والله الدنيا خربت gif22
بالأخير أكتشفت إن اخوانا العضو ما عنده إلا الدجة في لسانه !!
ويمشي وينقل الحكي واكتشفت ايضاً إن من بين الأعضاء اللي قطع فيهم عندي رايح لهم ويقطع فيني أنا !!!!! im22
يعني لا سلمت انا ولا سلموا هم !!
فجلست مع نفسي جلسة وقلت :
لما وصلني من كذا عضو إن فيه عضو يتكلم فيني وانا بريئ !! كيف صدقته يوم يعلمني عن الأعضاء وانا ما لقيت دليل !! ؟؟
وهم لما سمعوا الكلام عني راحوا يسالوني بيتأكدون وانا بررت موقفي والحمد لله !! ..
بس أحس إني ظلمت الأعضاء لما أنا صدقت اللي نقل لي الكلام ز60
ومن الأعضاء اللي سمعت عنهم كلام جوني وقالوا إنهم سمعوا فيني كلام وقاموا يكلموني والإبتسامة على شفاتهم !!
فكان المفروض ما اصدق انا على طول لين أتاكد ز60
الأسئلة :
ليه نقل الكلام بين الأعضاء ؟ ز60
إلا متى وحنى نصدق وحنى ما تأكدنا ؟؟ ز60
هل الغيرة لها دور في ذالك ؟؟ ز60
ليه كاتم الأهات رومانسي وحنى من جنبها ؟ ز60
ليه صرخة بعير في أمريكا وحنى طايحين في الصحراء ؟ ز60
ليه كل ما جيتك أكثر زدت قسوة ؟ ز129