{ خآسرات } - { الفاتنات الساحرات الغانيات }

http://www.winchare.com/uploads/imag...0ff92d7f00.gif



ياسيدات وآنسات وعانسات
مدينتي ملي تبي تحتلّها؟
تسابقوا سبق المهار الصافنات
اللي تطاير فـ الهبوب أقذلها
يغريكم الشاعر وتنسون الصفات
وأكثر شواعير الخليج .. سفلّها
من لاعشقني ذات يفقدني سمات
عن كثرة أحبابي كفاني قلّها
تسابقوا والأولات ؟ الخاسرات
ماعاد أقبلها شلون أقبلّها
ماعاد في قلبي ماكان لذكريات
وماعاد فـ عيوني دموع اهلّها
أنا بقايا رجل مع كوم احزيات
تتله أحبال الحزن ويتلها
استهلكتني أم العيون الذابلات
اللي ماتعرف دقها من جلّها
اخرى ولكن غير كل الاخريات
تعطش نباتات الدروب لطلّها
اليا أقبلت كنها تثنى من حصاة
وان ادبرت كن السحاب اتشلها
الفاتنات الساحرات الغانيات
عندي ماتسوى خصله من خصلّها
فالليل صبح ولا اصبحت عقب المبات
توخر الشمس وتجي محلّها
ياشيب عيني يالوصوف الخافيات
بقولها لو قومها تفطلّها
احبها حب البنادم للحياة
وتسيىء لي وأبرها واحسلّها
انا غريب ومجرياتي مجريات
أبيها .. وادعي ربي يسهلّها
أحب نفسي كل ما شفت الطغات
تستخدم العالم وتستغلّها
يالصبر والانفس شحاح ومكرمات
تدلها ولا انا اللي ادلّها
خذني من ايديني بلامقدمات
انا صديق اقسى الدروب وخلّها
أنا جهة بلحالها غيرالجهات
تكسرني الدنيا وانا أعدلّها
انا أكثر انسان ايخلق مبررات
ياكم علاقة تنطوي وأفلّها
حليت فــ الأنسان واجد مُعضلات
اللئم حاجة ماعرفت أحلّها
باصادق الحيوان وأمشي في النبات
ولابشر تنذل للي يذلّها
الناس في عصر الاسف والأنفلات
ماعاد به زله ماهيب اتزلّها
ماعاد تفرق فالحقوق وفي الهبات
تعمل معاها تحسب انك تعمل لها
الشارع المليان غش ومُعطيات
اما تسامى بالقلوب يعلّها
ملغي الرمادي من ظروف الكائنات
ماعندي إلا اسوأ لها .. وافضلّها
يالثائر اللي منجياتك مهلكات
مابه سيوف اصلا عشان تسلّها
مادام صار البحر قسمه واعطيات
اغرف بيدك مايعادل بلّها
مابه ثبات الا على انقاض الشتات
والأحلام لذتها قبل توصلها
وأجمل من الأحساس من بعد الصلاة
احساسك اللي قال قبله صلّها
صداقتك مع شعورك .. عز ذات
ومخاصمك مع الرخوم .. يجلّها
يامنقض جروح الخفوق المرمسات
راحت حياتك (قلها في قلّها)
جعلك فدا اللي عاش ربح .. ويوم مات
خسارته على القبيله كلها
ولا أنت لو تركب مع باص البنات
مادورن عبيّها وشيلّها
عن الكلام الشين يازين السكات
ناسٍ ماتوصل مستواها خلّها
تعلم أن الله خلقنا طبقات
والناس تعلو لاتناقص غلّها
فـ اليا جلست فـ مجلسك مع الخوات
خل الرجال اللي يظلل ظلّها
خلو سوالفكم عن آخر الأغنيات
وهذا بغا هذي وهذي ملّها
المجد لو أنه يجي بالأمنيات
سادوا على أعزاز الرجال أذلّها

المجد لو أنه يجي بالأمنيات
سادوا على أعزاز الرجال أذلّها


من طول الغيبات جاب الغنايم
ومشكور والله
يعطيك العافيه

صداقتك مع شعورك .. عز ذات
ومخاصمك مع الرخوم .. يجلّها

صح لسان الشاعر مبدع بكل حالاته
أبدعت بنقلها فسلمت و سلمت لنا ذائقتك

شُمـٍ انثًى ــٍـٍـٍـوخْ .ღ . }
،

مرحبا فيك عدد همّال الوليّ :24ar:
منوره المـتصفح $222

دمع الزهر
صح بدنــك والله يسلم رآسك
فديت طلــتك $222