من باعني بعته من غير تفكير
لاتلتفت لي وانت قـلبك مع الغير
لاتلتفت لي وانت مانت بمـــعايـه
خلك مع اللي صــنت له كل تقدير
اللي من اجله بعت باقي غـــلايه
صحيح يلقى الشر من يفعل الخير
حكمه وفيها صاب راع الـــروايه
توي تجرحت الندم والتحـــــاسير
لا واحسايف ياعنــــاي وشقايه
عطني دلايل للتجافي وتبريـــــر
والدافع اللي يدفــعك في جفايه
مني حشى ماجاك نقصً وتقصير
ولا هقيت ان مـــــــنك هذا جزايه
ولا صار هذي نيتك واصل السير
تلقى وأنا القـى من بيجبر عزايه
ما فيه داعي للاسف والمعـاذيـر
واصـل جـــفاك ولاتحاول رضايه
وانا علي لا صخر القلب تــصخير
عنــك وعنـــدي للإهــانه وقايه
من باعني بعته ولا فـــيه تفكير
وجـفوى الـــمقفى للمولع حمايه
وأنا خلصت ومنك شفت التعازير
واللي حصل لي منك فيه الكفايه
رد: من باعني بعته من غير تفكير
صح لسانك أختي على القصيده الرائعه
لكن عندي ملاحضه على شطر من بيت
ما فيه داعي للاسف والمعـاذيـر
فيه قصيده للشاعر السهلي يقول في البيت
مافيه داعي للعتب و المعاذير .. الغدر خال الجرح و أطيب عمامه
سؤال هل اخذتي البيت من البيت هذا وعدلتي
كلمة للعتب وبدلتيها بــ للأسف
أو قلتي البيت من مشاعرك دون اللجوء للنسخ في الابيات
رد: من باعني بعته من غير تفكير
نقل موفق لقصيدة رائعة
تحيتي
ظميان غدير
رد: من باعني بعته من غير تفكير
من باعني بعته من غير تفكير
والله روووووووووووووووعة والي يبيعك
بيعة
رد: من باعني بعته من غير تفكير
لاتلتفت لي وانت قـلبك مع الغير
لاتلتفت لي وانت مانت بمـــعايـه
رووووووووعه يسلموووووووو