أزعل عليك ألفين مرة من غلاك..
ًً مدخل ًًً
أزعل عليك ألفين مره من غلاك
... مليون مره يوم تنكر غلطتك
قلي اخطيت بدون ما أدور وراك
... مو حلوه ألقاها وتخرب صورتك
كثير منا إذا كان يحب شخص أو يعزه مايقدر يزعل عليه أو يشيل بقلبه إذا زعله أو ضايقه بشي وهذا مو من ضعف أو قلة حيلة لكن من زود الغلا والمحبة..
فمن الممكن هالشخص يقدر حبك وماعاد يزعلك أبد وممكن أنه ما يقدرك ويعتبره ضعف منك ويتمادى في زعلك وجرحك..
وإذا انت زعلته يقوم الدنيا ولا يقعدها ومايرضى عليك إلا برد حق وإعتذار منك وممكن ترتجي رضاه وما يرضى ويعتبر نفسه ملاك مايخطي أصلا لأنك ماتبين زعلك وعلى طول ترضى عليه..
مع التأكيد إنه من زود المحبة والتقدير منك ..
أنت أو أنتِ وش شعورك إذا عاملك من تحبه او تعزه بهالأسلوب؟
وهل من الممكن أنك تقطع علاقتك معه أو تستمر بغض النظر عن أسلوبه؟
وإذا بالإمكان تذكر لنا موقف صار لك ونعرف ردة فعل كل واحد منكم..
النقاش مفتوح وغير محدد بالأسئلة يعني كل واحد يقول اللي بخاطره..
تحياتي وتقديري..:25ar:
ًً مخرج ًًً
أزعل عليك وحيل يهزمني هواك
... يومك تناظرني واحس بعبرتك
تقول اسف واحسب الله هداك
... ترجع وتعملها علي وش قصتك
بقلمي: طموحة..
رد: أزعل عليك ألفين مرة من غلاك..
موضوع حلو ز20
<<مشكلتها تزعل بسرعه وترضى بسر عه اذا كان الشخص مزعلني بشيء غير الخيانه والاهانه ..
لكن الخيانه غير مو زعل
فرااااق ع طول ..
اذا انا زعلت شخص بشيء كبير ومارضى بسرعه اجلس اراضيه وهالشي من حقه
لكن مو لدرجة انو مايقبل اعتذاري او اسفي للابد !!
اممممم صارت لي مواقف لكن الحمدلله ماوصلت للدرجه دي :*
أنت أو أنتِ وش شعورك إذا عاملك من تحبه او تعزه بهالأسلوب؟
والله انقهر مرا انا غلط اوكي واعتذرت هالشي يكفي انو انا حسيت بغلطتي وتأسفت
وهل من الممكن أنك تقطع علاقتك معه أو تستمر بغض النظر عن أسلوبه؟
ما اقطعها لكن انو استمر زعله وزاد عن الحد المعقول ما اقدر استمر مع شخص زعلان مني
وإذا بالإمكان تذكر لنا موقف صار لك ونعرف ردة فعل كل واحد منكم..
الحمدلله ماقد وصلت للدرجه دي
يسلمو قلبو ع الموضوع
رد: أزعل عليك ألفين مرة من غلاك..
طرح جميل :24ar:
والله مدري انا أحس الزعل يفرق بين الأصحآب و بين الحبآيب ز15
يعني لو الأصحآب بيرجعون لبعض لآنهم يدومون بإذن الله .. اذا كانت إهآنة ماأتوقع يرجعون يتكلمون
أمآ لو حبآيب إذآ زعل يترآضون و يرجعون أمآ لو خيآنة أو إهآنة فرآق على طول ز180
أنت أو أنتِ وش شعورك إذا عاملك من تحبه او تعزه بهالأسلوب؟
قهر والله .. يعني وإللي قلبهآ رهيف و بسرعه يرضى بس يبغآلهآ تكة ز15
وهل من الممكن أنك تقطع علاقتك معه أو تستمر بغض النظر عن أسلوبه؟
لآ اذا انا غلطت أعتذر و أتأسف مرة و مرتين و ثلآث أو أبرر موقفي إذآ مرة مانفع وش أسوي
بكون سويت إللي علي ز180
لآهنتِ ع الطرح :25ar:
رد: أزعل عليك ألفين مرة من غلاك..
.
الغالي كثرت اخطائه ترخصه
ممكن اتغاضى مره ومرتين وثلاث
لكن غلاه عندي ماهوب مبرر له إنه يتمادى بالغلط
ولو كان يغليني فعلاً كان احترمني وقدّر تجاهلي لـ اخطائه
بس دام الغلا عنده ماله لا حشمه ولا تقدير ولا مراعاه لمشاعر الطرف الثاني
البعد عنه افضل على الإقل عشان احافظ على مخزون الغلا اللي باقي له عندي
وبالنسبه للجزء الثاني من موضوعك إنه اذا انا اخطيت يقوم الدنيا ومايقعدها
هذي يالغاليه ترجع لـ عقليته ومستوى تفكيره
ودامه شايف نفسه ملاك ومايخطي اصلاً
في هالحاله مانملك إلا إنه نأخذه على قد عقله
لإنه ماراح يفيد معه لا كلام ولا إعتذار وتجاهله هو افضل حل
/
يعطيك العافيـه .. :25ar:
رد: أزعل عليك ألفين مرة من غلاك..
هلا ويفي..
فديتك تزعلين وترضين على طول ماتتعبين احد ابد..
نورتي بحضورك الراقي..
دمتِ بكل الود..