تجربه : [ وإذآ مرضتُ فهو يَشفينْ ] ..
,
السلام عليكم ،
،
اول شي قبل ابدأ احب اقول إن الأمل بالله كبير ، ومهما صعبت الظروف .. نحتاج نقوي علاقتنا بالله ،
أوجدنا من العدم ، ووحده قادر لإعادتنا أحياء ، بيده المعجزآت .. ونحن أضعف أضعف مخلوقاته ،
فلا يأس مع الإيمان بالله ، وتعلق القلب به ـ
ببدأ لكم قصتي من البدآيه ،
وقت دراستي بالثانوي ، كنت اسمع ان فيه شاب يحبني ( من جمآعتنا ) مآكان بيني وبينه اي وسيلة اتصال غير اخواته ،
وكنت اعرف منهم انه ينوي خطبتي ، بس مآكان مني اي ردة فعل نآحية الموضوع .. ،
احيانا، افكر لو يخطبني اي شاب غيره / أوافق او لا !!!
دخلت الجآمعه ..
وبالسنه الثالثه خطبني ... كآنت فرحتي مآتوصف ، لآني انتظرته فتره طويله ,, وبدون أحد يعرف باللي بنفسي ،
وحسيت وقتها بصدقه ، وحبه لي .. وانه مو مجرد كلام ..،
بس كآن شرط الوالد اني اكمل دراسة الجآمعه عند أهلي ، وهو وافق على الشرط ،
وهو كآن يكمل رسالة المآجستير ـ
سويت الملكه .. بالصيف .. وكآن باقي سنه بالجآمعه ...
وطوال هالسنه كآن يجيني زيارات .. وأكلمه جوال .. تعلقت فيه بشكل مآحد يتصوره .. حبيته:24ar: ..
وكنت أتمنى السنه تنقضي ونعيش ببيت وآحد ،
كنت أسعد أنسانه ، لآني وجدت الشخص اللي يحبني وشاريني ..
وكآنت الزيارات تتكرر وانا اتعلق فيه أكثر ،
وقبل الزوآج بأربع شهور ...
اتصل علي .. وكآن صوته تعبان .. سألته شفيك ؟ ... مآرد ..
حاولت فيه .. حاولت ، وحآولت ،
بالاخير قال : (الشي اللي بقوله لك مآفي احد يعرفه .. ولآزم مآاحد يعرف ) .... عطيته وعد اني مآاقول ،
ف قال : ( أنا تعبان من فتره ، ورحت المستشفى قالوا معآك ، " سرطآن " ف المعده ..، ) ولآزم تعجل وتآخذ الكيمآوي وإلا بتطور الحاله ، وينتشر ...
أنا صُعقت .... مآعرفت وش اقول ... وقع الخبر كآن علي قووووي ، قد مآاوصف شعوري وقتها ، ماراح اعبر ...
مآعرفت انا أوآسيه وإلآ أبكي ...
,اعيد لحظآتنا الحلوه .... معقووله الانسان اللي حبيته وتمنيته يروووح ،
الانسان اللي صار روحي وكل شي فيني !!!!!
وضع لآأُحسد عليه ....
المهم مآقدرت اكمل هذيك المكالمه ، بس بعدها قررت اتمآلك نفسي .. واوقف جنبه
كلمته واقنعته بكلام الدكتور .... هو مآشاءالله انسان صبور .. ويتوكل على الله في كل شي ،
والصراحه هو كان اقوى مني ، ويثبتني داااائم ،
وطبعا المستشفى مواعيد ومراجعات ،،
وانا كنت على جمر ... العالم من حولي ينتظرون الفرح ، ويجهزون له ، وانا بالي معاه ،
الكل قال اني تغيرت ، ومآكأني عروسه ... بس مو بيدي ،
الغآلي على شفا حفره ... ،
أهلي يآخذوني للسوق غصب ، وأخواتي هم اللي يختارون كل شي ..
وانا افضل شي عندي اشوف محتاج واتصدق عليه ،
أمشي معاهم ودموعي على خدي ..
كآآآرهه الدنيا ، وكآرهه كل شي .. أتمنى اشوفه معآفى ... ،
وبس أدعي ربي ... وأي أحد اسمع انه رايح للحرم انا أول رآكب بسيارته ،
حسيت اني محتاجه لله ، محتاجه ادعي تحت الكعبه ،
،
وقبل الزوآج ب أسبوع كآنت آخر جلسه للكيمآوي .... وفالجلسه قالوا التحليل بعد اسبوعين نشوف نسبة المرض ـ يعني بعد زواجنا ب اسبوع
كاان تعباااان حييل من الكيمآوي ، بس يتظاهر لآهله انه تعب زوآج بس
تم الزوآج وكنآ ننتظر التحليل ،
والله العظيم مآحسيت بطعم الزوآج وفرحته ... على كثر مآكنت أتمنى هاللحظه ،
وكل هالموضوع ومافي احد يعرف / لآاهلي ولآاهله ،
المهم راح للتحليل وطلعت النتيجه إيجابيه ولله الحمد ،
وان المرض راح من جسمه نهآئيا ،
وكآنت المشكله الوحيده ، ان تأثير الكيماوي باقي بجسمه ، وحذره الدكتور من التفكير بالانجاب لمدة سنتين ، عشان مايتسبب للجنين أي ضرر ،
هذي كآنت مشكله عنده هو بس بالنسبه لي ماهي مشكله أبدا ،
حمدت ربي اللي عافاه لي ، وأكرمه بالصحه والعافيه ،
وأهم شي اني اعيش معاه ...
بعد ست شهور ، قدر الله وحملت ، برغم تحذير الطبيب ،
وقررت أنزل الجنين ، بس هو رفض / وقال اي شي ربي كآتبه بيصير ، واذا بيجينا طفل معاق فهذا هدية من ربي ،
وانا كنت قلقاانه ( شعور الام الطبيعي ) ... بس اذا تذكرت القصه الاولى يقوى ايماني بالله ،
ولدت / بنت طبيعيه ولله الحمد مآتشكي من أي شيء ، فعلا هدية من الله ....:24ar:
وبعدها بفتره بسيطه حملت بعد وجبت بنوته ثآنيه ، وكلهم بعافيه ولله الحمد ،
ربي ابتلانآ وأكرمناا ، بدل التعب النفسي اللي تعبته بفترة خطوبتي ، ربي أكرمني بزوجي وبنآتي ،
وانا الحين أقول اني أسعد إنسانه ،
الله يحفظهم ويخليهم لي ،
رسالة أوجها لكل مريض / خل أملك كله بالله ، هو الشاافي وحده .. الدكتور والعلاج مجرد أسبااب ،
الله هو المعطي والمانع ،
مآاخذ منك إلآ لآنه يحبك .. واشتاق لسمآع صوتك بالدعاء ،
(( وإذا مرضتُ فهو يَشفين ))
،
رد: تجربه : [ وإذآ مرضتُ فهو يَشفينْ ] ..
اصعب شي بالدنيـا ..
إنك تشوف اللي تحبه قدامك مريض ويتألم
ومنت قادر تسوي له شي ..
بس ماشاء الله عليك كنتي خير عون له
و بـ ( الصبر و التوكل و الدعاء ) ماخاب رجاكم وكان الفرج
والحمد لله أن ربي عافاه وتمم فرحتكم على خير ورزقكم هالبنتين
الله يحفظهم ويخليهم لكم :24ar:
/
وسعداء جداً بمشاركتنا تجربتك
في مواجهة الأزمه وتخطيها والتغلب عليها
وإن شاء الله يستفيد كل قارىء لها:25ar:
..
رد: تجربه : [ وإذآ مرضتُ فهو يَشفينْ ] ..
ز180ز180ز180ز180
اليـــمــه ز180
الحمدالله ع سلامته
وهذا ابتلاا
انا اعرف وحده جاها سرطان بالرحم تعالجت بالكيماوي وقراءت المشايخ
واللحين لها سنتين من بعد المرض مافيها الا العافيه وانجبت بعد
الحمد لله الذى شفانا وعافانا عما ابتلى به كثيراً من خلقه
الله يشفي كل مرضى المسلمين
رد: تجربه : [ وإذآ مرضتُ فهو يَشفينْ ] ..
يآآآآآآآآآآهـ
شقد أثرت فيني قصتك..:24ar:ز180
سبحآنك يآالله مآأعظمك..:24ar:
سبحآنك يالله مآ أكرمك..:24ar:
سبحآنك يالله ما أرحمك..:24ar:
الحممدلله الحممدلله اللي ربي أكرمكم ورحمكم ورزقكم..
بجد إيمانكم القوي انتي وزوجك وصبركم ع المصيبه هو السر الخفي ورآء كرم الله معكم..
وربي يحب زوجك عشآن كذآ سخر له إنسآنه عظيمه مثلك..كانت سبب من الآسبآب اللي عطت الدآفع لزوجك
أنه يصبر ويتحمل..وتكون نفسيته عآليه عشآن يقآوم المرض..
لآن الكل عآرف أسآس العلآج أن النفسيه تكون عآاليه ومتفآئله ومؤمنه..
يعني لو وحده غيرك ماتخاف ربها كان تركته في عز حاجته لها وقالت وش اللي يخليني أرتبط بآنسان مريض..
سآعتها أكيد النفسيه بتدهور ومارآح يكون بهالقوه..
أنا أهنيييييييييييك أهنيك أهنييك ع قوة إيمآنك بالله:24ar:
وأهنيييييك ع طيب أصلك:24ar:..أهني زوجك فيك:24ar:..وأهنيك فيه..:24ar:
الله يسعدكم يآآآرب ويوفقكم..ويرزقكم بالذريه الصآلحه..
ويحفظ عليكم الصحه والعافيه يآرب..
وتشرف الزين بوجود أمثآلك..:24ar::25ar:
رد: تجربه : [ وإذآ مرضتُ فهو يَشفينْ ] ..
::
قصتك اثرت فيني ز180
ماشاء الله تبارك الله .. واله يمم عليكم السعاده ويبعد عنكم الامراض..
وعلاج السرطان الرقيه والاستغفار ..
كثير ناس تعالجو بالقران والكيماوي ما لمسهم ..
بس اعجبني صبرك واصراك ..
::