قصيدة سعيد بن مانع في الامير عبدالرحمن بن مساعد , اشعار سعيد بن مانع , شعر في الامير عبدالرحمن بن مساعد , ابيات من كلمات سعيد بن مانع القحطاني

بسم الله الرحمن الرحيم

قصيدة سعيد بن مانع في الامير عبدالرحمن بن مساعد , اشعار سعيد بن مانع , شعر في الامير عبدالرحمن بن مساعد , ابيات من كلمات سعيد بن مانع القحطاني


زينة الرجل التواضع ..وآفة الرجـل الغـرور
كـم رجـالٍ عاليـة قـدر وهبطهـا كِبـرهـا

والجهل ظلمه لعقل اللي جهـل .. والعلـم نـور
وأكبر الاشيا بعين أهـل العقـل يـا صغرهـا

ولا يطول المجـد بيـده كـود رجـالٍ صبـور
والهقاوي فيـه لـو جـار الزمـن يـا كبرهـا

والرجوله كلمـةٍ ماهـي فقـط تعنـي ذكـور !
كلمـةٍ تحمـل معانـي مـا جهلـنـا قـدرهـا

والوله وسط المحاجـر .. والمحبـه فالصـدور
كـل منهـم يدفـع الثانـي ويشـد بـأزرهـا

والغرام أحلى شعورٍ .. والفراق أصعب شعـور
والوفـا بيـن الحبايـب هـو متانـة جسرهـا

والظروف ان كانهـا قالـت لهـم : لا للعبـور
ماتثبط عزمهـم .. لـو طوّلـت فـي عسرهـا

ياشبيه الريح .. لا تجـزع ولا منـك قصـور
ماجريت الا على مشها السفن وش عذرهـا .!

من تخاذل لا يهمـك .. مـن يعاديـك إمعثـور
والشخوص اللي تدنّت ؟ بُصرها فـي عمرهـا

منـك نتعلـم دروس الصبـر بأجـل الأمـور
والصعايـب لا قـوّت وشلـون نقـوا كسرهـا

وكيف يقدر كل منـا يكتـب الفـرح بسطـور
من قلم همّتـه .. والإصـرار سايـل حبرهـا

وكيف وسط الزحمه يسجل له الواحـد حظـور
يضرب الخطـوه بدربـه مـا تشّكـا وعرهـا

وكيف نلغي من قواميس الهوى .. (حب الظهور)
نجعـل الأسمـاء رنّانـه ويطـرب ذكـرهـا

وكيف في صعب المسايل نتخـذ بالفكـر شـور
وعشر راعين الصلابـه مـا تنقـص عشرهـا

رايتـك بيضـا .. ومثلـك مايحيـد ولا يبـور
لا تطيـح الرايـه الزرقـا ... تدبّـر أمرهـا

لا تضيق .. ودام شبرك طال عن كل الشبـور
ماتضيـق الا علـى نـاسٍ قصيـرٍ شبـرهـا

كلنـا نشكـي مـن الإحبـاط فينـا والكسـور
وأنت وحدك بعـد ربـي قـادرٍ فـي جبرهـا

مانبي الا شوفتك يا الحر يـا الشهـم الجسـور
والعزيمـه عنـد مثلـك طـول الله عمـرهـا