وصفة تحضير شاورما لحم 2014 - وصفة اعداد شاورما لحم مع كرات البطاطس والبشاميل 2014
1/ 2 كيلو لحمة مقطعة شرايح
4 ملاعق كبيرة سمن
2 ملعقة صغيرة بهارات
6 فصوص ثوم مهروسة
حبة بصل
ملح وفلفل
لعمل البطاطس:
4 حبات بطاطس مسلوقة
1/2 كوب بقدونس مفروم
ملعقة صغيرة ثوم مفروم
2 فلفل أخضر مفروم
ملعقة صغيرة كزبرة
2 ملعقة كبيرة زبدة
1/ 2 كوب حليب
ملح وفلفل
4 ملاعق كبيرة جبنة رومي مبشورة
لعمل البشاميل:
6 ملاعق كبيرة دقيق
4 ملاعق كبيرة زيت
2 ملعقة كبيرة زبدة
ملعقة صغيرة ملح
كوب جبنة رومي
2 ملعقة كبيرة بقسماط
1/ 2 ملعقة صغيرة بابريكا
الطريقة:
1- أول حاجة حضري الشاورما: شوحي الثوم والبصل في السمنة لحد ما يبقى لونه دهبي، وبعدين حطي معاه اللحمة وشوحيها لحد ما تنزل ميتها، وتبليها بالملح والفلفل والبهارات، وبعدين حطيها في صينية فرن.
2- لتحضير البطاطس: اهرسي البطاطس كويس وتبليها بالملح والفلفل والكزبرة والثوم والجبنة والبقدونس، وقلبيهم مع بعض.
3- بعدين حطي على البطاطس اللبن والزبدة، وقلبيها لحد ما تعمل عجينة لينة، وبلّي إيديك بشوية زيت، وابدئي شكلي منها كرات متوسطة ورصيها في الصينية فوق اللحمة.
4- لعمل البشاميل: قلّبي الدقيق مع السمنة على نار متوسطة لحد ما لونه يبقى دهبي وبعدين صبّي عليه اللبن تدريجيا وقلبيه بالمضرب لحد ما يبقى قوامه كريمي ناعم.
5- تبلي البشاميل بالملح وبعدين صبيه فوق كرات البطاطس، ووزعي عليه الزبدة والبقسماط والبابريكا.
6- دخليه الفرن لمدة 30 : 40 دقيقة لحد ما لونه يبقى دهبي، وقدمه بعد ما يبرد
بالهنا والشفا.
