قصيدة مطلق النومسي غلاي مسافره , اشعار مطلق النومسي , شعر غلاي مسافره , ابيات من كلمات الشاعر مطلق النومسي

بسم الله الرحمن الرحيم

قصيدة مطلق النومسي غلاي مسافره , اشعار مطلق النومسي , شعر غلاي مسافره , ابيات من كلمات الشاعر مطلق النومسي

باقـي .. ثلاثـة أيـام .. ويحيـن الرحيـل
يوميـن .. والثالـث .. غـلاي .. مسافـرة


بنت النبيـل .. أبـن النبيـل .. ابـن النبيـل
مزعلـة .. ظـبـي الفـيـاض القـافـرة

مـا كنهـا ألا معركـة .. بيـضـا نثـيـل
تحمـل شمـوخ .. ربوعـي .. الجعـافـره

قرب سفرهـا .. والسفـر .. ماهـو أصيـل
هافي نسـب .. وأصـل ألديانـة .. كافـرة

يعني .. سهر .. وهموم .. وجروح .. ووعيل
أربع .. علـى ضيـق النفـس .. متظافـرة

يارب صبرنـي ... وأنـا صبـري .. قليـل
زود علـى قــل .. الحـظـوظ الـوافـرة

ماكـان .. لأسبـاب السفـر .. أيـة بديـل
إلا السـفـر نفـسـه .. بنـفـس نـافـرة

لكن ماهـو .. معنـاة مـا قلتـه .. قبيـل
أقبـل بـذنـب .. مـا قبلنـي .. غـافـره

هي مذنبـة .. طبعـا .. وأنـا ذنبـي ثقيـل
ذنب .. جـرح قلبـي .. بـروؤس أظافـره

يا ماأقصـر أنفاسـي .. ومشـواري طويـل
والوصل .. مـا حـذى الزمـن .. حوافـره

وشلون أبا أسلا ..؟ كيف أبا أرقد ربـع ليـل
دام السـهـر ..والـنـوم دوم .. معـافـره

لو للسهر .. ضابـط .. وسجـان .. وكفيـل
كفلـت روحـي .. عـن سجـن مخـافـره

لكنهـا .. قسمـة .. وأنـا حظـي بخـيـل
وش يظهـر السنفـور ... مـن سنافـره ؟


مالى سوى .. آسامح .. وأعدل .. كل ميـل
وأقنع .. ولو بعـض الفـرص .. متوافـره

من شان ... خاطرها .. يصيـر المستحيـل
اللـى تعاملهـا .. مـعـاي .. مشـافـره

اللـى تربـع لـي .. خطـوط المستطـيـل
دون التقـيـد .. بالحـكـم .. والصـافـرة

العذر .. معهـا .. والسفـر .. أمـر جليـل
جاهـا .. مـن كـرام الوجيـه السـافـرة

لكن وش عذري ?? وأنـا دمعـي .. يسيـل
لا جيت .. شارعهـا .. وقيـل .. مسافـرة